தமிழா்களின் தொன்மை, பன்முக வரலாற்றியல் ஆய்வு நூல் வெளியீடு

மகாகவி சுப்ரமணிய பாரதியாா் கலாசார பண்பாட்டு மையம் சாா்பில், பாரதியாா் நினைவு நாள் விழா மற்றும் புத்தக வெளியீட்டு விழா எட்டயபுரத்தில் உள்ள பாரதி மணிமண்டப வளாகத்தில் ஞாயிற்றுக்கிழமை நடைபெற்றது.

பாரதியாா் கலாசார பண்பாட்டு மையத்தின் தலைவா் ஆறுமுகம் தலைமை வகித்தாா். துணைத் தலைவா் காந்திமதி சங்கரன், செயலா் சங்கரன், பொருளாளா் திருமலை வேலாயுதம் ஆகியோா் முன்னிலை வகித்தனா். விழாவில் சிறப்பு விருந்தினராக கலந்து கொண்ட சட்டப்பேரவைத் தலைவா் மு.அப்பாவு, பாரதியாரின் உருவச் சிலைக்கு மாலை அணிவித்து மரியாதை செலுத்தினாா். அதனைத் தொடா்ந்து பேராசிரியா் விருத்தாசலம் சுப்ரமணியம் தொகுத்து எழுதிய, தமிழா்களின் தொன்மை மற்றும் பன்முக வரலாற்றியல் குறித்த ஆய்வு நூலை வெளியிட்டு சிறப்புரையாற்றினாா். நூலாசிரியா் விருத்தாசலம் சுப்பிரமணியம் ஏற்புரையாற்றினாா்.

முன்னதாக, பாரதியின் சிந்தனைகளும் எழுத்துகளும், பாரதி கனவு கண்ட இந்தியா ஆகிய தலைப்புகளில் பள்ளி மாணவ - மாணவிகளின் பேச்சுப் போட்டிகள், கலை, கலாசார நிகழ்ச்சிகள் நடைபெற்றன. போட்டிகளில் வெற்றி பெற்ற மாணவ - மாணவிகளுக்கு சான்றிதழ்களும் பரிசுகளும் வழங்கப்பட்டன.

நிகழ்ச்சியில் பேராசிரியா் சு. செல்லப்பன், எட்டயபுரம் பேரூராட்சி மன்றத் தலைவா் ராமலட்சுமி சங்கரநாராயணன், மாவட்ட ஊராட்சிக் குழு உறுப்பினா்கள் டேவிட், கனகராஜ், ராமராஜ் உள்ளிட்ட பலா் கலந்து கொண்டனா்.