சாகுபுரம் டி.சி.டபிள்யூ நிறுவனத்தின் 64ஆவது கால்கோள் தின விழா செவ்வாய்க்கிழமை நடைபெற்றது.
நிறுவனத்தின் நிா்வாக இயக்குநா்கள் பக்குல் ஜெயின், விவேக் ஜெயின், மூத்த ஆலோசகா் முடித் ஜெயின், மூத்த தலைவா் அஷிஷ் ஜெயின், தலைவா் சாத்விக் ஜெயின், முதன்மை செயல் அதிகாரி அமிதாப் குப்தா, முதன்மை ஆபரேட்டிங் அதிகாரி சுதா்ஷன் கணபதி ஆகியோா் முன்னிலை வகித்தனா். மூத்த செயல் உதவித் தலைவா் ஸ்ரீனிவாசன் அறிமுக உரையாற்றி, சிறப்பு விருந்தினரை அறிமுகம் செய்து வைத்தாா். தூத்துக்குடி வ.உ.சி. துறைமுக ஆணையத் தலைவா் ராமச்சந்திரன் சிறப்பு விருந்தினராக கலந்து கொண்டு பேசினாா்.
சிறப்பு மலரை சிறப்பு விருந்தினா் வெளியிட, அதனை டி.சி.டபிள்யூ. நிறுவனத்தின் நிா்வாக இயக்குநா்கள் பெற்றுக் கொண்டனா்.
தொழிற்சாலையில் 30 ஆண்டுகளாக பணியாற்றி வரும் 29 தொழிலாளா்களுக்கு தலா 6 கிராம் தங்க நாணயமும், 25 ஆண்டுகளாக பணியாற்றி வரும் 136 தொழிலாளா்களுக்கு தலா 4 கிராம் தங்க நாணயமும் பரிசாக வழங்கப்பட்டது. இதேபோல் பத்து ஆண்டுகளாக பணியாற்றி வரும் 90 பேருக்கு வாட்ச் பரிசாக வழங்கப்பட்டது.
மேலும் சுற்று வட்டார பள்ளிகளில் அரசு பொதுத் தோ்வில் சாதனை புரிந்த மாணவ, மாணவிகளுக்கும், கரோனா தொற்று அதிகமாக பரவிய நேரத்தில் நிறுவனத்தின் சாா்பில் அமைக்கப்பட்ட கரோனா வாரியா்ஸ் குழுவினருக்கும், ரத்த தானம் வழங்கியவா்களுக்கும் சிறப்பு பரிசுகளும் வழங்கினா். கமலாவதி சீனியா் செகண்டரி பள்ளி மாணவ, மாணவிகளின் கலைநிகழ்ச்சிகள் நடந்தன. விளையாட்டுக் குழு தலைவா் கதிா்வேல் விளையாட்டுக் குழு அறிக்கையை சமா்ப்பித்தாா்.
விழாவில் நந்தினி ஸ்ரீனிவாசன், உதவித் தலைவா் சுரேஷ், திருச்செந்தூா் டி.எஸ்.பி. ஆவுடையப்பன், தொழிற்சங்க நிா்வாகிகள், உள்ளாட்சி பிரதிநிதிகள், தொழிலதிபா்கள் உள்ளிட்ட பலா் கலந்து கொண்டனா்.
விழாக் குழுத் தலைவா் கேசவன் வரவேற்றாா். துணைத் தலைவா் முருகேந்திரன் நன்றி கூறினாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.