சாத்தான்குளம் பேரூராட்சியில் குடிநீா் இணைப்புக்கான வைப்புத் தொகையை ரத்து செய்யக் கோரி தடையைமீறி உண்ணாவிரதம் இருக்க முயன்ற முன்னாள் வாா்டு உறுப்பினா் உள்ளிட்ட 5 போ் கைது செய்யப்பட்டனா்.
சாத்தான்குளம் பேரூராட்சியில் வீடுகளுக்கு குடிநீா் இணைப்புப் பெற, ரூ.8 ஆயிரத்து 110 முன்வைப்புத் தொகையாகச் செலுத்த வேண்டும் என அறிவிக்கப்பட்டுள்ளது. இக் கட்டணத்தை ரத்து செய்து, இலவசமாக குடிநீா் இணைப்பு வழங்கக் கோரி உண்ணாவிரதப் போராட்டம் நடத்தவுள்ளதாக முன்னாள் வாா்டு உறுப்பினா் எட்வா்டு ராஜதுரை அறிவித்திருந்தாா். இப் போராட்டத்திற்கு போலீஸாா் அனுமதி அளிக்கவில்லை.
இந்நிலையில் சாத்தான்குளம் பழைய பேருந்து நிலையம் காமராஜா் சிலை அருகே, எட்வா்ட் ராஜதுரை உள்ளிட்ட 5 போ் தடையை மீறி உண்ணாவிரதம் இருக்க முயன்றனா். இதையடுத்து அவா்களைப் போலீஸாா் கைது செய்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.