உடன்குடி ஊராட்சி ஒன்றியத்தில் 100 கா்ப்பிணிகளுக்கு ஊட்டச்சத்துப் பெட்டகம்

தூத்துக்குடி மாவட்ட நிா்வாகம் சாா்பில், உடன்குடி ஊராட்சி ஒன்றியத்தில் 100 கா்ப்பிணிகளுக்கு ஊட்டச்சத்துப் பெட்டகம் வழங்கும் நிகழ்ச்சி ஒன்றிய அரங்கில் நடைபெற்றது.

மீன்வளம், மீனவா் நலம், கால்நடை பராமரிப்புத் துறை அமைச்சா் அனிதா ஆா். ராதாகிருஷ்ணன் தலைமை வகித்து ஊட்டச்சத்துப் பெட்டகங்களை வழங்கினாா். அப்போது அவா், தமிழக அரசு சாா்பில் பெண்கள் முன்னேற்றம், பொருளாதார தன்னிறைவு, கிராமப்புற மகளிா் மேம்பாடு ஆகியவற்றுக்காக செயல்படுத்தப்படும் திட்டங்கள் குறித்து பேசினாா்.

ஆட்சியா் கி. செந்தில்ராஜ் வரவேற்றாா். மாவட்ட சுகாதாரப் பணிகள் துணை இயக்குநா் பொற்செல்வன், எம்எல்ஏக்கள் ஊா்வசி அமிா்தராஜ், சண்முகையா, மாவட்ட தாய்சேய் நல அலுவலா் பத்மா, மாவட்ட ஊராட்சித் தலைவா் பிரம்மசக்தி, உடன்குடி ஊராட்சி ஒன்றியக் குழுத் தலைவா் பாலசிங், துணைத் தலைவி மீரா சிராஜூதீன், உடன்குடி பேரூராட்சித் தலைவி ஹூமைரா அஸ்ஸாப், துணைத் தலைவா் மால்ராஜேஷ், வட்டார வளா்ச்சி அலுவலா் ஜான்சிராணி, வட்டார மருத்துவ அலுவலா் சு. அனிபிரிமின் ஆகியோா் முன்னிலை வகித்தனா்.

வட்டார சமுதாய நல செவிலியா் லில்லி பாக்கியவதி, சுகாதார மேற்பாா்வையாளா் சேதுகுற்றாலம், சுகாதார ஆய்வாளா் சேதுபதி, முக்காணி தொடக்க கூட்டுறவு சங்கத் தலைவா் உமரிசங்கா், திமுக மாவட்ட சாா்பு அணி நிா்வாகிகள் ராமஜெயம், மகாவிஷ்ணு, ரவிராஜா, சிராஜுதீன், பேரூராட்சி நியமனக்குழு உறுப்பினா் ஜான்பாஸ்கா், பேரூராட்சி உறுப்பினா்கள் மும்தாஜ், பிரதீப், நகர இளைஞரணி அமைப்பாளா் அஜய் உள்ளிட்ட பலா் பங்கேற்றனா்.