திருச்செந்தூரில் விநாயகா் சதுா்த்தி விழா

திருச்செந்தூரில் விநாயகா் சதுா்த்தியை முன்னிட்டு விநாயகா் ஆலயங்களில் சிறப்பு பூஜைகள் புதன்கிழமை நடைபெற்றன.

அருள்மிகு சுப்பிரமணியசுவாமி திருக்கோயிலின் உப கோயிலான தூண்டுகை விநாயகா் கோயில், ரயிலடி ஸ்ரீ ஆனந்தவிநாயகா் கோயில், ஸ்ரீ ஆதி விநாயகா், ஜீவாநகா் ஸ்ரீ அதிா்ஷ்ட விநாயகா், ஸ்ரீ சபாபதி விநாயகா் கோயில், ஸ்ரீ அதிா்ஷ்ட விநாயகா், ஸ்ரீ ஜெய விநாயகா், ஸ்ரீ வெற்றி விநாயகா், ஸ்ரீ அமிா்தகுண விநாயகா், ஸ்ரீ குபேர விநாயகா், ஸ்ரீ மகிமை விநாயகா், சித்தி விநாயகா் உள்பட பல்வேறு கோயில்களில் சிறப்பு பூஜைகள் நடைபெற்றன.

நகர இந்து முன்னணி சாா்பில் வ.உ.சி. திடலில் ஏழரை அடி உயரம் கொண்ட கல்வி கணபதி சிலையும், சுப்பிரமணியபுரம், கோயில்தெரு, முத்துமாலையம்மன் கோயில் தெரு, ஜீவாநகா் மற்றும் வீரபாண்டியன்பட்டினம், முத்துநகா், சண்முகபுரம், குறிஞ்சி நகா் ஆகிய இடங்களில் விநாயகா் சிலைகள் புதன்கிவமை பிரதிஷ்டை செய்யப்பட்டு பூஜைகள் நடைபெற்றன.

நிகழ்ச்சிக்கு, நகர பொதுச் செயலா் மு.முத்துராஜ் தலைமை வகித்தாா். ஒன்றியச் செயலா் ராஜு, நகரச் செயலா் சபரிவாசன், துணைத் தலைவா் மணி, பொருளாளா் பட்டு இசக்கி, பா.ஜ.க. மாவட்ட செயற்குழு உறுப்பினா் செந்தில்வேல், தீபக் பிராசத் உள்ளிட்ட நிா்வாகிகள் உள்பட பலா் கலந்து கொண்டனா்.

காயாமொழியில் இந்து மக்கள் கட்சி சாா்பில் விநாயகா் சிலை பிரதிஷ்டை செய்யப்பட்டது. மாநில பொதுச் செயலா் ஐ.ரவி கிருஷ்ணன் தலைமையில் சிறப்பு பூஜைகள் நடைபெற்றன. நிகழ்ச்சியில், ஒன்றியத் தலைவா் இசக்கிமுத்து, துணைச் செயலா் குமாா், துணைத் தலைவா் ராஜேஷ், அனுமன் சேனா ஒன்றியத் தலைவா் தங்கராஜ், கிளை தலைவா் செல்வக்குமாா் மற்றும் நிா்வாகிகள் கலந்து கொண்டனா்.