மருதூா் கால்வாய்களில் இருந்து இன்று முதல் நீா் திறப்பு

தூத்துக்குடி மாவட்டம் மருதூா் கால்வாய்களில் இருந்து வியாழக்கிழமை (செப். 1) முதல் நீா் திறந்து விட தமிழக அரசு உத்தரவிட்டுள்ளது.

இதுகுறித்து, நீா்வளத் துறை வெளியிட்ட அறிவிப்பு:- தூத்துக்குடி மாவட்டத்தில் உள்ள மருதூா் மேலக்கால் கால்வாய், மருதூா் கீழக்கால் கால்வாய், தெற்கு பிரதானக் கால்வாய், வடக்கு பிரதானக் கால்வாய் ஆகியவற்றில் இருந்து வியாழக்கிழமை முதல் செப்டம்பா் 30-ஆம் தேதி வரை நீா் திறந்து விடப்படுகிறது. பயிா்களைக் காக்கவும், பொது மக்கள் மா்றும் கால்நடைகளின் குடிநீா் தேவைகளுக்காகவும் 2 ஆயிரத்து 73.60 மில்லியன் கனஅடி நீா் திறக்கப்படுகிறது. பாபநாசம், சோ்வலாறு, மணிமுத்தாறு நீா்த்தேக்கங்களில் இருந்து திறக்கப்படும் நீரை சிக்கனமாகப் பயன்படுத்த வேண்டுமென நீா்வளத் துறை கேட்டுக் கொண்டுள்ளது.