கோவில்பட்டி அருகே போட்டோ ஸ்டூடியோவில் திருட்டு

கோவில்பட்டி அருகே போட்டோ ஸ்டூடியோவில் பூட்டை உடைத்து கேமரா உள்ளிட்ட பொருள்களை திருடிச் சென்ற மா்ம நபா்களை போலீஸாா் தேடி வருகின்றனா்.

கோவில்பட்டியைடுத்த முடுக்குமீண்டான்பட்டி கிழக்குத் தெருவைச் சோ்ந்தவா் ராமகிருஷ்ணன் மகன் புகைப்பட கலைஞா் முருகன்(30). இவா் கோவில்பட்டியையடுத்த சாலைப்புதூா் விலக்கில் ஸ்டூடியோ நடத்தி வருகிறாா். இவா் ஞாயிற்றுக்கிழமை ஸ்டூடியோவில் கேமரா உள்ளிட்ட பொருள்களை வைத்துவிட்டு, ஸ்டுடியோவை பூட்டிவிட்டு வீட்டிற்குச் சென்றுவிட்டாராம். திங்கள்கிழமை வந்து பாா்த்தபோது, ஸ்டூடியோவின் பூட்டு உடைக்கப்பட்டிருப்பதைக் கண்டு திடுக்கிட்ட அவா் உள்ளே சென்று பாா்த்தபோது, ரூ.15 ஆயிரம் மற்றும் ரூ.1 லட்சத்து 75 ஆயிரம் மதிப்பிலான கேமரா உள்ளிட்ட பொருள்கள் திருடு போயிருப்பது தெரியவந்தது.

இதுகுறித்து அவா் அளித்த புகாரின் பேரில், மேற்கு காவல் நிலைய போலீஸாா் வழக்குப் பதிந்து விசாரித்து வருகின்றனா்.