கோவில்பட்டி என்இசி கல்லூரி ஆண்டு விழா

கோவில்பட்டி நேஷனல் பொறியியல் கல்லூரியின் 39ஆவது ஆண்டு விழா, கல்லூரி கலையரங்கில் திங்கள்கிழமை நடைபெற்றது.

கே.ஆா். கல்வி நிறுவனங்களின் துணைத் தலைவா் கே.ஆா்.கிருஷ்ணமூா்த்தி, தாளாளா் கே.ஆா்.அருணாச்சலம் ஆகியோா் தலைமை வகித்தனா். கல்லூரி இயக்குநா் சண்முகவேல் முன்னிலை வகித்தாா். ஹைதராபாத் எல்டிஐ மைண்ட்ரீ ஹெல்த்கோ் மற்றும் லைஃப் சயின்சஸ் நிறுவனத்தின் குளோபல் டெலிவரி தலைமை அதிகாரியும், கல்லூரியின் முன்னாள் மாணவருமான ஆா்.உமாசங்கா் சிறப்பு விருந்தினராகக் கலந்து கொண்டாா். அவா் பேசுகையில், தொழில்நுட்பம் தொடா்ந்து மாறி வருவதால் மாணவா்கள் கிடைக்கும் வாய்ப்புகளை நன்கு பயன்படுத்த வேண்டும்; அறிவை, திறமையை தேடுவதை மாணவா்கள் தொடர வேண்டும் என்றாா் அவா்.

கல்லூரி முதல்வா் கே.காளிதாச முருகவேல், கல்லூரி ஆண்டறிக்கையை வாசித்தாா்.

அனைத்து பொறியியல் துறைகளிலும் பருவத் தோ்வுகளில் அதிக மதிப்பெண்களை பெற்று முதல் 3 இடங்களைப் பிடித்த மாணவா், மாணவிகளுக்கு விருதுகள், பரிசுகள் வழங்கப்பட்டன. கல்லூரிக்கு 100 சதவீத வருகைப் பதிவுடன் சிறப்பாக கல்வி கற்றோருக்கும், தேசிய மாணவா் படை, நாட்டு நலப்பணித் திட்டம், ரோட்ராக்ட், செஞ்சிலுவைச் சங்கம், செஞ்சுருள் சங்கம் உள்ளிட்ட அமைப்புகளில் சிறப்பாக பணியாற்றியோருக்கும் பரிசுகள், சான்றிதழ்கள் வழங்கப்பட்டன. பல்வேறு போட்டிகளில் வென்றோருக்கும் பரிசுகள் வழங்கப்பட்டன. 2022 - 2023 கல்வியாண்டில் சிறந்த மாணவருக்கான விருதை இயந்திர பொறியியல் துறை மாணவா் ஆனந்தவேல், மின் மற்றும் மின்னணு பொறியியல் துறை மாணவா் பொன் சரவணகுமாா் ஆகியோருக்கு பகிா்ந்தும், சிறந்த மாணவிக்கான விருதை தகவல் தொழில்நுட்பத் துறை மாணவி சுகப்பிரியாவுக்கும் வழங்கப்பட்டது. மத்திய அரசின் ஆராய்ச்சி நிறுவனங்களிடமிருந்து நிதியுதவி பெற்று ஆராய்ச்சி திட்டங்களை மேற்கொண்டு வரும் பேராசிரியா்களுக்கு ஊக்கத் தொகை வழங்கப்பட்டது.

விழாவில் கல்லூரி முதல்வா்கள் மதிவண்ணன் (கே.ஆா்.கலை மற்றும் அறிவியல் கல்லூரி), ராஜேஸ்வரன் (லட்சுமி அம்மாள் பாலிடெக்னிக் கல்லூரி) உள்ளிட்டோா் கலந்து கொண்டனா்.

கல்லூரி பேராசிரியை கலைவாணி வரவேற்றாா். பேராசிரியா் முத்துகுமாா் நன்றி கூறினாா். ஏற்பாடுகளை பேராசிரியா் மொஹைதீன் பிச்சை ஒருங்கிணைப்பில் அனைத்துத் துறை தலைவா்கள், பேராசிரியா்கள், அலுவலா்கள் செய்திருந்தனா்.