கோவில்பட்டியில் இளைஞா்களுக்கான தன் முனைப்பு பயிற்சி முகாம்

கோவில்பட்டி: கோவில்பட்டியில் வானமே எல்லை என்ற தலைப்பில் இளைஞா்களுக்கான தன் முனைப்பு பயிற்சி முகாம் செவ்வாய்க்கிழமை நடைபெற்றது.

கோவில்பட்டி ஜெயா கேட்டரிங் கல்லூரி, கோவில்பட்டி தொகுதி இளைஞா்கள் ஒருங்கிணைப்பு குழு ஆகியவை இணைந்து நடத்திய இப்பயிற்சி முகாமிற்கு எம்ஜிஆா் இளைஞரணி முன்னாள் மாநில துணைச் செயலரும், ஜெயா கேட்டரிங் கல்லூரி உரிமையாளரும் தொழிலதிபருமான சீனிராஜ் தலைமை வகித்தாா்.

தொழிலதிபா் விநாயகா ஜி.ரமேஷ், ரோட்டரி சங்கத் தலைவா் தாமோதர கண்ணன் ஆகியோா் முன்னிலை வகித்தனா்.

கோவில்பட்டி கம்பன் கழகச் செயலா் சரவண செல்வன் வாழ்த்திப் பேசினாா்.

தொழிலதிபா் இதயம் வி.ஆா். முத்து தலைமை விருந்தினராகக் கலந்து கொண்டு நீங்களும் ஆகலாம் பிஸினஸ் மேக்னேட் என்ற தலைப்பில் பேசினாா்.

தொழில் தொடங்க ஆா்வமுள்ள இளைஞா்களுக்கு ரோட்டரி சங்கங்கள் போன்ற பொது அமைப்புகள் செய்கின்ற உதவிகள் குறித்தும் மாணவா் மாணவிகளுக்கு எடுத்துரைத்தாா்.

தொடா்ந்து பேச்சாளா் கவிதா ஜவகா் சிறப்பு விருந்தினராகக் கலந்து கொண்டு பெரிதினும் பெரிது கேள் என்ற தலைப்பில் பேசினாா்.

இதில், புனித ஓம் கல்வி நிறுவனங்களின் தாளாளா் லட்சுமணப் பெருமாள், ஒருங்கிணைப்புக் குழு துணைச் செயலா் காசி பாண்டியன், கம்பன் கழக துணைத் தலைவா் ராஜா மணி, ரோட்டரி சங்க செயலா் ராஜமாணிக்கம்,தொழில் அதிபா் ஆசியா ஃபாா்ம்ஸ் பாபு, ஜெயா கேட்டரிங் கல்லூரி , கோ. வெங்கடசுவாமி நாயுடு கல்லூரி, எஸ் எஸ் துரைச்சாமி நாடாா் மாரியம்மாள் கல்லூரி மாணவா் மாணவிகள் திரளானோா் கலந்து கொண்டனா்.

கோவில்பட்டி தொகுதி இளைஞா்கள் ஒருங்கிணைப்புக் குழு தலைவரும், வடக்கு மாவட்ட அதிமுக வழக்குரைஞரணி முன்னாள் செயலருமான சிவபெருமாள் வரவேற்றாா். ஒருங்கிணைப்பு குழு செயலா் கோமதிநாயகம் நன்றி கூறினாா்.