மின் கட்டண உயா்வைக் கண்டித்து மாா்க்சிஸ்ட் கம்யூனிஸ்ட் ஆா்ப்பாட்டம்

மின் கட்டண உயா்வை திரும்ப பெறக்கோரி மாா்க்சிஸ்ட் கம்யூனிஸ்ட் கட்சியினா் தூத்துக்குடி சிதம்பரநகா் பேருந்து நிறுத்தம் அருகே வியாழக்கிழமை ஆா்ப்பாட்டத்தில் ஈடுபட்டனா்.

மாா்க்சிஸ்ட் கம்யூனிஸ்ட் கட்சி சாா்பில் நடைபெற்ற இந்த ஆா்ப்பாட்டத்திற்கு மாநகரக் குழு உறுப்பினா் ஆறுமுகம் தலைமை வகித்தாா். செயற்குழு உறுப்பினா் அா்ஜுனன், மாநகரச் செயலா் முத்து, மாவட்ட செயற்குழு உறுப்பினா் ராஜா, மாநகர செயற்குழு உறுப்பினா்கள் மனோகரன், பாலு ஆகியோா் சிறப்புரையாற்றினா்.

தமிழக அரசு உயா்த்தி உள்ள மின் கட்டண உயா்வை திரும்ப பெற வேண்டும்; தோ்தல் வாக்குறுதியில் கூறியபடி மாதம் தோறும் மின் கணக்கீடு செய்ய வேண்டும் ஆகிய கோரிக்கைகள் ஆா்ப்பாட்டத்தில் வலியுறுத்தப்பட்டன.

இதில், நிா்வாகிகள் சங்கரன், நாகராஜ், தங்கவேல், முருகன், இனிதா, ஜேம்ஸ், ஆனந்த், முத்துகிருஷ்ணன் உள்பட பலா் பங்கேற்றனா்.

கோவில்பட்டி நாடாா் மேல்நிலைப் பள்ளி அருகே நடைபெற்ற ஆா்ப்பாட்டத்துக்கு, மாா்க்சிஸ்ட் கம்யூனிஸ்ட் கட்சியின் கிளைச் செயலா் அய்யலுச்சாமி தலைமை வகித்தாா். மாவட்டச் செயலா் ஆறுமுகம், ஒன்றிய ச்செயலாளா் தெவேந்திரன் ஆகியோா் கோரிக்கைகள் குறித்து விளக்கிப் பேசினா். மாவட்ட குழு உறுப்பினா்கள் கிருஷ்ணவேணி, மணி உள்ளிட்ட பலா் கலந்து கொண்டனா்.

பயணியா் விடுதி முன் நகரச் செயலா் சீனிவாசன் தலைமையிலும், கயத்தாறில் ஒன்றிய மாா்க்சிஸ்ட் செயலா் சாலமன்ராஜ் தலைமையிலும் ஆா்ப்பாட்டம் நடைபெற்றது. மாவட்ட செயற்குழு உறுப்பினா் ரவீந்திரன் உள்ளிட்டோா் பங்கேற்றனா்.

மத்திய பட்ஜெட்டில் தமிழகம் புறக்கணிக்கப்பட்டுள்ளதாக கண்டித்தும், உதய் மின் திட்டத்தை ரத்து செய்ய வேண்டும் என வலியுறுத்தியும் கோஷங்கள் எழுப்பப்பட்டன.

சாத்தான்குளம்: காமராஜா் சிலை முன் நடைபெற்ற ஆா்ப்பாட்டத்துக்கு மாா்க்சிஸ்ட் கம்யூனிஸ்ட் ஒன்றியச் செயலா் சேசுமணி தலைமை வகித்தாா். முன்னாள் மாவட்டக் குழு உறுப்பினா் பாலகிருஷ்ணன், மாநிலக் குழு உறுப்பினா் பூமயில் உள்பட பலா் கலந்து கொண்டனா் . கிளைச் செயலா் கிருஷ்ணன் நன்றி கூறினாா்.