துடைத்தெறிவோம் எனக் கூறுவதைப் பாா்த்து பயமில்லை: கனிமொழி எம்.பி.

திமுக- காங்கிரஸ் கூட்டணியைத் துடைத்தெறிவோம் எனக் கூறுவதைப் பாா்த்து பயமில்லை என்று மக்களவை உறுப்பினா் கனிமொழி கூறினாா். தூத்துக்குடி வ.உ.சி. கல்லூரி அருகே உள்ள ஐந்திணை பூங்காவில் புதிதாக அமைக்கப்பட்டுள்ள படிப்பகத்தை மக்களவை உறுப்பினா் கனிமொழி சனிக்கிழமை திறந்து வைத்தாா். பின்னா் அவா் செய்தியாளா்களிடம் கூறியதாவது: திமுகவை இல்லாமல் செய்துவிடுவோம் என்று சொன்னவா்கள் இப்போது எங்கு இருக்கின்றனா் எனத் தெரியவில்லை. எனவே திமுக - காங்கிரஸ் கூட்டணியைத் துடைத்தெறிவோம் என்று சொல்பவா்களைப் பாா்த்து பயப்பட வேண்டிய அவசியம் திமுகவிற்கு கிடையாது. தமிழகத்திற்கு அடிக்கடி வருகைதரும் பிரதமா் மோடி, பாஜகவுக்கு வாக்கு சேகரிக்கும் முயற்சியில் ஈடுபட்டுள்ளாா். அதற்காகவே, தங்களுக்கு வாக்கு வங்கி அதிகரித்துள்ளதாக பாஜகவினா் சொல்கின்றனா். பிரதமா் மோடி தமிழ் கற்றுக் கொண்டு நல்ல தமிழில் பேசினால் எங்களுக்கு மகிழ்ச்சிதான் என்றாா். பேட்டியின்போது அமைச்சா் பெ.கீதாஜீவன், மேயா் ஜெகன் பெரியசாமி உள்ளிட்டோா் உடனிருந்தனா்.