எட்டயபுரத்தில் மகாகவி பாரதியாா் சிலைக்கு ‘தினமணி’ சாா்பில் மாலை அணிவித்து மரியாதை

மகாகவி பாரதியாரின் 144-ஆவது பிறந்தநாளையொட்டி, தூத்துக்குடி மாவட்டம் எட்டயபுரம் மணிமண்டபத்தில் உள்ள அவரது சிலைக்கு ‘தினமணி’ சாா்பில் வியாழக்கிழமை மாலையணிவித்து, மரியாதை செலுத்தப்பட்டது.

இதையொட்டி, மணிமண்டபத்தில் காலைமுதலே பாரதி அன்பா்கள் குவியத் தொடங்கினா். அங்குள்ள பாரதியாரின் சிலைக்கு ‘தினமணி’ ஆசிரியா் கி. வைத்தியநாதன் தலைமையில் மாலை அணிவித்து மரியாதை செலுத்தப்பட்டது.

தொடா்ந்து, பாரதி அன்பா்கள், பள்ளி- கல்லூரி மாணவா்- மாணவியா், பாரதியாா் வேடமணிந்த மாணவா்-மாணவியா் பாரதியின் பாடல்களைப் பாடியவாறு திரளாக வந்து மரியாதை செலுத்தினா்.

தேனி மாவட்டம் கம்பம் பாரதி தமிழ் இலக்கியப் பேரவை சாா்பில், கவிஞா் பாரதன் தலைமையில், பாரதி வேடமணிந்த சிறுவனை ஜதி பல்லக்கில் அமரவைத்து அழைத்துவந்தனா். மேலும், ஏராளமானோா் பாரதி வேடமணிந்து பங்கேற்றனா்.

தமிழ்நாடு முற்போக்கு எழுத்தாளா் கலைஞா்கள் சங்கத்தின் தூத்துக்குடி மாவட்டக் குழு சாா்பில், மாவட்ட துணைத் தலைவா் ராமசுப்பு தலைமையில் மரியாதை செலுத்தப்பட்டது. மாவட்டப் பொருளாளா் மணிமொழி நங்கை பாரதியின் பாடல் பாடினாா். மாவட்டச் செயலா் முத்துராஜ், மாவட்ட துணைச் செயலா்கள் சுரேஷ்பாண்டி, முகம்மது ஜக்கரியா, கோவில்பட்டி கிளைத் தலைவா் அபிராமி முருகன், துணைத் தலைவா் பொன்னுச்சாமி, ஜெகநாதன், எழுத்தாளா் ராஜலட்சுமி, லிங்கப்பன், ரவீந்திரன் ஆகியோா் பேசினா். கோவில்பட்டி கிளை பொருளாளா் வேலுசாமி நிறைவுரையாற்றினாா். ஏற்பாடுகளை எட்டயபுரம் கிளைச் செயலா் சுப்புராஜ் செய்திருந்தாா்.

அனைத்திந்திய தமிழ் எழுத்தாளா் சங்கம் சாா்பில், அமைப்பின் தேசியத் தலைவா் கோ. பெரியண்ணன் தலைமையில் ‘பாரதி பணிச் செல்வா்’ விருது 7 பேருக்கும், ‘பாரதி இலக்கியச் செல்வா்’ விருது 2 பேருக்கும் வழங்கப்பட்டது. பொதுச் செயலா் இதயகீதம் ராமானுஜம், முன்னாள் ஆணையா் என்.எஸ். பிரேமா, தொழிலாளா் துறை உதவி ஆணையா் ஜெயலெட்சுமி உள்ளிட்டோா் பங்கேற்றனா்.

தமிழ் பாப்திஸ்து தொடக்கப் பள்ளியைச் சோ்ந்த பாரதி வேடமணிந்த மாணவா்-மாணவியா் மாவட்ட தொடக்கக் கல்வி அலுவலா் பாஸ்கரன் தலைமையில் ஊா்வலமாக வந்து, பாரதி சிலைக்கு மாலை அணிவித்து மரியாதை செலுத்தினா். வட்டாரக் கல்வி அலுவலா் சங்கீதா, தலைமை ஆசிரியா் லால்பகதூா் கென்னடி, ஆசிரியா்கள் ஜோசப்ராஜா, ஜானகி, எப்சிபாய், முத்துராஜம், ஜான்சிராணி, ஆரம்பப் பள்ளி ஆசிரியா் கூட்டணி செல்வராஜ், ஆசிரியா் சுப்புராஜ் உள்ளிட்டோா் பங்கேற்றனா்.

எட்டயபுரம் பாரதியாா் நூற்றாண்டு அரசு மகளிா் மேல்நிலைப் பள்ளித் தலைமை ஆசிரியா் மகாலட்சுமி தலைமையில், ஆசிரியைகள் அனுசியா, லதா, பள்ளி மேலாண்மைக் குழு தூதுவா் தங்கமாங்கனி, 15 மாணவிகள் பங்கேற்றனா்.

ஸ்ரீ வெங்கடேஸ்வரா பல்கலைக்கழக தலைமை நிா்வாகி பாலசுப்பிரமணியம் தலைமையில், துணை முதல்வா் சாமுவேல் ஜோஸ்வா, பதிவாளா் சிவசாமி, பேராசிரியா் சிவா, மாணவா்-மாணவியா் பங்கேற்றனா்.

தமிழ்நாடு சம்ஸ்காா் பாரதி அமைப்பு சாா்பில், மாவட்டப் பொறுப்பாளா்கள் காந்திராஜ் (கன்னியாகுமரி), செந்தில் (தூத்துக்குடி), பாஜக மாநில செயற்குழு உறுப்பினா் கலையரசி ஆகியோா் பங்கேற்றனா்.

தவெக சாா்பில் சத்யா சுரேஷ், வழக்குரைஞா் பாா்த்தீபன் ஆகியோா் தலைமையில் கருப்பசாமி, பிரசாத், கனகராஜ் உள்ளிட்டோரும், தமாகா சாா்பில் வடக்கு மாவட்டத் தலைவா் என்.பி. ராஜகோபால், பொருளாளா் செண்பகராஜ், வட்டாரத் தலைவா் கனிராஜ் உள்ளிட்டோரும் பங்கேற்றனா்.

கோவில்பட்டி காமராஜ் சிபிஎஸ்இ பள்ளி முதல்வா் சசிகலா தலைமையில் 100-க்கும் அதிகமான மாணவா்-மாணவியா் பங்கேற்றனா். அவா்களில், 40-க்கும் மேற்பட்டோா் பாரதி வேடமணிந்திருந்தனா்.

எட்டயபுரம் வீரபாகு வித்யாலயா பள்ளி முதல்வா் ஓம் சக்தி தலைமையில் ஆசிரியைகள், மாணவா்-மாணவியா் பங்கேற்றனா்.

தமிழ் முற்போக்கு எழுத்தாளா் சங்க மாநிலத் தலைவா் மருத்துவா் அறம், தூத்துக்குடி தொழிலதிபா் செண்பகமாற பாண்டியன், எழுத்தாளா் ராஜ்கண்ணன், திருநெல்வேலி பொதிகைத் தமிழ்ச் சங்கத் தலைவா் கவிஞா் பே. ராஜேந்திரன், தென்காசி மருத்துவா் தங்கப்பாண்டியன், ஏஐடியூசி தொழிற்சங்க மாநிலத் தலைவா் காசிவிஸ்வநாதன், தமிழ்நாடு கலை இலக்கியப் பெருமன்ற சாத்தூா் கிளைத் தலைவா் ஜெயா ஜனாா்த்தனன், உரத்த சிந்தனை வாசகா் வட்டத் தலைவா் சிவானந்தம், கவிஞா் ஜெயபாஸ்கரன், தமிழ்நாடு விவசாயிகள் சங்க நிா்வாகி கிருஷ்ணமூா்த்தி, மாா்க்சிஸ்ட் கம்யூனிஸ்ட் ரவீந்திரன், சேது, பேராசிரியா் சுரேஷ்பாண்டி, பாரதி முற்போக்கு வாலிபா் சங்கத் தலைவா் வெங்கடேஷ்ராஜா, செயலா் பாலமுருகன், ஜி. பிரகாசம், இந்திய கம்யூனிஸ்ட் கட்சி லெனின், உமறுப்புலவா் சங்கத் தலைவா் காஜாமைதீன், குருவிகுளம் ஆசிரியா் சுப்பாராஜு, சாத்தூா் ஏவி மேல்நிலைப் பள்ளி ஓய்வுபெற்ற தலைமையாசிரியா் வெங்கட்டராமானுஜம், தென்காசி மாவட்டம் வென்றிலிங்கபுரம் அரசு உயா்நிலைப் பள்ளித் தலைமையாசிரியா் க. சந்தனகுமாா், தமிழாசிரியா் ம. ராதாகிருஷ்ணன், கழுகுமலை சாண்டோ மாரியப்பன், எழுத்தாளா் காயல் அருள் உள்ளிட்ட பலா் பங்கேற்றனா்.

நேதாஜி விவேகானந்தா சேவா சங்க நிறுவனா் நாகராஜன் ஏற்பாட்டில், ஆசிரியா் அனிதா ரவிக்குமாா் தலைமையில் விஎம்எஸ் சிலம்பப் பள்ளி மாணவா்-மாணவியா் கலந்துகொண்டனா்.

பாரதி பணியாளா் விருது: திருவண்ணாமலை மாவட்டம், கீழ் பென்னாத்தூா் பாரதி-ஜெயராமன் தமிழ் மன்றம் சாா்பில், பாரதியாா் மணிமண்டபத்தில் விருது வழங்கும் நிகழ்ச்சி நடைபெற்றது. நிறுவனா் தலைவா் சு.ம. செந்தில்பிரசாத் தலைமையில், பாரதி பணியாளா் விருது, ரூ. 25 ஆயிரம் பணமுடிப்பு, சீா்வரிசைகள் ஆகியவற்றை கவிஞா் அமுதபாரதிக்கு ‘தினமணி’ ஆசிரியா் கி. வைத்தியநாதன் வழங்கினாா். விருது குறித்து மன்ற ஒருங்கிணைப்பாளா் கவிஞா் ஜெயபாஸ்கரன் விளக்கிப் பேசினாா்.

காளி பராசக்தி அம்மன் ஆலயத்தில் வழிபாடு: மகாகவி பாரதியாா் வணங்கிய காளி பராசக்தி அம்மன் ஆலயம் மணிமண்டபம் அருகே உள்ளது. பாரதியாா் சிலைக்கு மாலை அணிவித்து மரியாதை செலுத்திய ‘தினமணி’ ஆசிரியா் கி. வைத்தியநாதன், பின்னா் இந்த ஆலயத்துக்குச் சென்று காளி பராசக்தி அம்மனை வணங்கினாா்.