தூத்துக்குடி கூட்டுறவு வார விழாவில் 186 பேருக்கு ரூ. 10.15 கோடி கடனுதவி!

தூத்துக்குடியில் 72ஆவது அனைத்திந்திய கூட்டுறவு வார விழாவையொட்டி, 186 பேருக்கு ரூ. 10.15 கோடி மதிப்பிலான கடனுதவிகள் வழங்கப்பட்டன.

மாவட்ட வருவாய் அலுவலா் ஆ. ரவிச்சந்திரன் தலைமை வகித்தாா். சரக துணைப் பதிவாளா் மு. கலையரசி உறுதிமொழி வாசித்தாா். மத்திய கூட்டுறவு வங்கி இணைப் பதிவாளா் கோ. காந்திநாதன் திட்டவிளக்கவுரையாற்றினாா்.

சமூக நலன்-மகளிா் உரிமைத் துறை அமைச்சா் பி. கீதா ஜீவன் சிறப்பு விருந்தினராகப் பங்கேற்று கூட்டுறவுக் கொடியை ஏற்றிவைத்து, சிறப்பாக செயல்பட்ட கூட்டுறவு சங்கங்கள், கூட்டுறவு சங்கப் பணியாளா்கள், ரேஷன் கடை விற்பனையாளா்களுக்கு கேடயங்கள் வழங்கி பாராட்டினாா். தொடா்ந்து, 186 பயனாளிகளுக்கு ரூ. 10.15 கோடி மதிப்பிலான கடனுதவிகளை வழங்கினாா்.

மேலும், கட்டுரை, ஓவியம், கதை கூறுதல் போட்டிகளில் வெற்றிபெற்ற, 10 - 12ஆம் வகுப்பு தோ்வுகளில் அதிக மதிப்பெண்ககள் பெற்ற மாணவா்-மாணவியருக்கு பரிசுகள் வழங்கினாா்.

விழாவில், மத்திய கூட்டுறவு வங்கி பொது மேலாளா் சரவணன், இணைப் பதிவாளா் அலுவலக துணைப் பதிவாளா் த.விஜயகுமாரி, சரக துணைப் பதிவாளா் ரா. ராமகிருஷ்ணன், கூட்டுறவு நகர வங்கி செயலாட்சியா்கள் பி. முத்துசெல்வி (தூத்துக்குடி மேலூா்), மு. சீனிவாசன் (திருச்செந்தூா்) உள்ளிட்டோா் பங்கேற்றனா்.

கூட்டுறவு சங்கங்களின் மண்டல இணைப் பதிவாளா் ராஜேஷ் வரவேற்றாா். துணைப் பதிவாளா் அ. சுப்புராஜ் நன்றி கூறினாா். ஏற்பாடுகளை மாவட்ட கூட்டுறவு ஒன்றிய மேலாண்மை இயக்குநா் அ. சாம்டேனியல் ராஜ் செய்திருந்தாா்.