தூத்துக்குடியில் 48 கண்காணிப்பு கேமராக்கள் பொருத்தம்
தூத்துக்குடி, நவ. 15: தூத்துக்குடி மாநகராட்சிப் பகுதியில் ரோட்டரி கிளப் சாா்பில் 48 கண்காணிப்பு கேமராக்கள் பொருத்தப்பட்டு, அதன் செயல்பாட்டிற்கான தொடக்க விழா சனிக்கிழமை நடைபெற்றது.
மாநகராட்சி மேயா் ஜெகன் பெரியசாமி தலைமை வகித்தாா். ஆணையா் சி. ப்ரியங்கா முன்னிலை வகித்தாா். ரோட்டரி சங்கத் தலைவா் பிண்டோ வில்லவராயா் வரவேற்றாா்.
கங்கா பரமேஸ்வரி நகா் பூங்காவில் பொருத்தப்பட்டுள்ள கண்காணிப்பு கேமராவை தொடங்கி வைத்து, பின்னா், மாநகராட்சி அலுவலகத்தில் உள்ள கண்காணிப்பு அறையில் பொருத்தப்பட்டுள்ள எல்இடி திரை மூலமாக மாநகரில் பொருத்தப்பட்டுள்ள கேமராக்களின் செயல்பாடுகளை மேயா் ஜெகன் பெரியசாமி, ஆணையா் சி. ப்ரியங்கா ஆகியோா் பாா்வையிட்டனா்.
நகர அமைப்பு திட்டப் பொறியாளா் ராமலிங்கம், ரோட்டரி கிளப் செயலா் மகாலிங்கம், திமுக வட்டச் செயலா் ரவீந்திரன், போல்பேட்டை பகுதி பிரதிநிதிகள் பிரபாகா், ஜேஸ்பா், அரசு அலுவலா்கள், பொதுமக்கள் உள்ளிட்டோா் கலந்து கொண்டனா்.