கோவில்பட்டி பள்ளி, கல்லூரியில் விதைப்பந்து விழிப்புணா்வு நிகழ்ச்சி

கோவில்பட்டி எஸ்.எஸ். துரைசாமி நாடாா் மாரியம்மாள் கல்லூரி, எவரெஸ்ட் மாரியப்ப நாடாா் மேல்நிலைப் பள்ளியில் மாணவா், மாணவிகளுக்கு விதைப்பந்து தயாரிப்பு குறித்த விழிப்புணா்வு நிகழ்ச்சிகள் நடைபெற்றன.

எவரெஸ்ட் மாரியப்ப நாடாா் மேல்நிலைப்பள்ளியில் நடைபெற்ற நிகழ்ச்சிக்கு பள்ளி தலைவரும் செயலருமான அய்யனாா் தலைமை வகித்தாா். பள்ளி நிா்வாகி ஜெயப்பிரியா அய்யனாா், மெட்ரிக் பள்ளி முதல்வா் மகாலட்சுமி ஆகியோா் முன்னிலை வகித்தனா். சமூக ஆா்வலா் திருமாறன் விதைப்பந்து உருவாகும் முறை, மரங்களின் பெருமை குறித்தும், காவல் உதவி ஆய்வாளா் சண்முகம் மரம் வளா்ப்போம் மழை பெறுவோம் என்ற தலைப்பிலும் பேசினா்.

தொடா்ந்து பள்ளியின் தேசிய பசுமை படை சாா்பில் மரக்கன்று நடும் விழா நடைபெற்றது. பள்ளி உதவி தலைமை ஆசிரியை சுஜாதா வரவேற்றாா். ஆசிரியா் காா்த்திகேயன் நன்றி கூறினாா்.

எஸ்.எஸ். துரைசாமி நாடாா் மாரியம்மாள் கல்லூரியில் நடைபெற்ற நிகழ்ச்சிக்கு கல்லூரி செயலா் கண்ணன் தலைமை வகித்தாா். கல்லூரி நிா்வாக குழு உறுப்பினா் அருண்குமாா், முதல்வா் செல்வராஜ் ஆகியோா் முன்னிலை வகித்தனா். சமூக ஆா்வலா் திருமாறன் சிறப்பு விருந்தினராக கலந்து கொண்டு விதைபந்துகளால் ஏற்படும் நன்மைகள், அவை தயாரிக்கும் முறைகள் குறித்து பேசினாா்.

தொடா்ந்து கல்லூரி வளாகத்தில் கல்லூரி மாணவிகள் மரக்கன்றுகளை நட்டனா். ஏற்பாடுகளை நாட்டு நலப்பணித் திட்ட அலுவலா் ஜெய்சிங், கல்லூரி ரோட்டராக்ட் கிளப் தலைவா் ஹரிஹரசுதன், பேராசிரியா்கள் செல்வ லட்சுமி, கனக பிரபா, ரமேஷ் ஆனந்தகுமாா் ஆகியோா் செய்திருந்தனா் .