தனி மனிதத் துதிபாடல்களை தவிர்க்கவும்... திருச்செந்தூர் கோயில் நிர்வாகம் அறிக்கை சென்னை பன்னாட்டு புத்தகத் திருவிழா ஜனவரி 16-ம் தேதி தொடக்கம்! திருப்பதி ஏழுமலையானுக்கு 121 கிலோ தங்க ஆபரணங்களை வழங்கும் பக்தர்! நீலகிரி, கொடைக்கானலில் 2 நாள்களுக்கு உறைபனி! வானிலை எச்சரிக்கை! அக்வான் புயல்: ராஞ்சியில் 20 விமானங்கள் ரத்து! அமெரிக்காவின் அதிநவீன ட்ரோனை சுட்டு வீழ்த்திய ஈரான்! தவெக ஆட்சி தானாக கவிழ்ந்துவிடும் - எடப்பாடி பழனிசாமி தவெக ஆட்சியில் உயிருக்கும் பயிருக்கும் பாதுகாப்பு இல்லை! டி.ஆர்.பி. ராஜா

தாய், தந்தை உதவியுடன் இருவருடன் திருமணம்: மோசடி பெண்ணின் தாய் கைது

தாய், தந்தை உதவியுடன், அடுத்தடுத்து 2 பேரை ஏமாற்றி திருமணம் செய்து மோசடியில் ஈடுபட்ட இளம் பெண்ணின் தாய் கைது செய்யப்பட்டாா்.

arrest

கைது - சித்திரிப்பு

Updated On :

கோவில்பட்டி அருகே தாய், தந்தை உதவியுடன், அடுத்தடுத்து 2 பேரை ஏமாற்றி திருமணம் செய்து மோசடியில் ஈடுபட்ட இளம் பெண்ணின் தாய் கைது செய்யப்பட்டாா்.

கோவில்பட்டி, ராஜீவ் நகா், 6ஆவது தெருவைச் சோ்ந்தவா் மாரியப்பன். இவரது மனைவி காளீஸ்வரி (47). இவா்களது மகள் காா்த்திகா. இவருக்கும், நாமக்கல் மாவட்டம், கன்னூா்பட்டி, கோவிந்தம்பாளையத்தைச் சோ்ந்த ரஞ்சித்குமாருக்கும் (37), கோவில்பட்டி-இளையரசனேந்தல் சாலையில் உள்ள வாராகி அம்மன் கோயிலில் நவ. 1ஆம் தேதி திருமணம் நடைபெற்றுள்ளது.

திருமணம் முடிந்து ரஞ்சித்குமாருடன் நாமக்கல் சென்ற 2 நாள்களிலேயே காா்த்திகா தனது தாய்க்கு உடல்நிலை சரியில்லை எனக் கூறியதால், இருவரும் கோவில்பட்டிக்கு வந்துள்ளனா். சில நாள்கள் அம்மாவுடன் இருந்து அவரை கவனித்துக் கொள்ள வேண்டும் என காா்த்திகா கூறியதால், மருத்துவச் செலவுக்காக ரூ. 2.50 லட்சம் கொடுத்துவிட்டு ரஞ்சித்குமாா் நாமக்கல்லுக்குத் திரும்பியுள்ளாா்.

பின்னா், ஒரு வாரமாக மனைவியிடம் இருந்து கைப்பேசி அழைப்புகள் வரவில்லையாம். அவா் அழைத்தாலும் பதில் இல்லையாம். இதனிடையே, தஞ்சாவூா் மாவட்டம், உப்பண்டாா்பட்டியைச் சோ்ந்த சித்தாா்த்தன் (36), ரஞ்சித்குமாரை கைப்பேசியில் அழைத்து, நான்தான் காா்த்திகாவை முதலில் திருமணம் செய்தேன் என்று தெரிவித்துள்ளாா்.

இதையடுத்து, அவா்கள் இருவரும் கோவில்பட்டியில் உள்ள காா்த்திகா வீட்டிற்கு சனிக்கிழமை சென்று, காா்த்திகாவின் தாயிடம் நியாயம் கேட்டதால், இரு தரப்புக்கும் இடையே தகராறு ஏற்பட்டது.

தகவலறிந்த கோவில்பட்டி மேற்கு போலீஸாா், அவா்களை காவல் நிலையம் அழைத்துச் சென்று விசாரித்தனா். விசாரணையில், காா்த்திகா, தனது தாய், தந்தை உதவியுடன், சித்தாா்த்தன் மற்றும் ரஞ்சித்குமாரை ஏமாற்றி திருமணம் செய்து கொண்டு, அவா்களிடம் இருந்து பணம், நகைகளைப் பெற்று மோசடியில் ஈடுபட்டது தெரிய வந்தது.

இதுகுறித்து சித்தாா்த்தன், ரஞ்சித்குமாா் ஆகியோா் அளித்த புகாரின்பேரில், போலீஸாா் வழக்குப் பதிந்து, காளீஸ்வரியை கைது செய்தனா். வழக்கில் தொடா்புடைய காா்த்திகா, மாரியப்பன் ஆகியோரை போலீஸாா் தேடி வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.