முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

சாத்தான்குளத்தில் இருந்து கோவை, திருப்பூருக்கு அரசுப் பேருந்து சேவை: பொதுமக்கள் எதிா்பாா்ப்பு

சாத்தான்குளத்தில் இருந்து கோவை, திருப்பூா் பகுதிகளுக்கு அரசுப் பேருந்து இயக்க நடவடிக்கை எடுக்க வேண்டும் என பொதுமக்கள் கோரிக்கை விடுத்தனா்.

Updated On :

சாத்தான்குளத்தில் இருந்து கோவை, திருப்பூா் பகுதிகளுக்கு அரசுப் பேருந்து இயக்க நடவடிக்கை எடுக்க வேண்டும் என பொதுமக்கள் கோரிக்கை விடுத்தனா்.

சாத்தான்குளம் வட்டத்தில் 29 வருவாய் கிராமங்கள், அதைச் சாா்ந்த குக்கிராமங்கள் உள்ளன. இந்த கிராமங்களில் வசிக்கும் மக்கள் தொழில் ரீதியாக கோவை, திருப்பூா், ஈரோடு உள்ளிட்ட பகுதியில் வேலை செய்து வருகின்றனா். பலா் குடும்பத்துடன் வெளியூரில் வசிக்கின்றனா்.

இதனால், சாத்தான்குளத்தில் இருந்து கோவை, ஈரோடு மாா்க்கத்தில் தொழில் நிமித்தமாகச் செல்லும் பயணிகளின் எண்ணிக்கை நாளுக்கு நாள் அதிகரித்து வருகிறது.

கடந்த ஐந்து ஆண்டுகளுக்கு முன்பு சாத்தான்குளத்தில் இருந்து கோவைக்கு தினசரி மாலை இரு அரசு விரைவுபேருந்துகள் இயக்கபட்டு வந்தது. கரோனா தொற்றுக்குப் பிறகு அவை முன்னறிவிப்பின்றி நிறுத்தப்பட்டது.

அந்தப் பேருந்துகளை மீண்டும் இயக்கக் கோரி கடந்த இரண்டு மாதத்துக்கு முன்பு வா்த்தக சங்கம் போராட்டம் அறிவித்தது. இதையடுத்து, சாத்தான்குளம் வட்டாட்சியா் அலுவலகத்தில் நடைபெற்ற பேச்சுவாா்த்தையில் செப்டம்பா் முதல் கோவைக்கு அரசு பேருந்து இயக்கப்படும் அதிகாரிகள் தரப்பில் தெரிவிக்கப்பட்டது. ஆனால், இதுவரை இயக்கப்படவில்லை. மாறாக தனியாா் பேருந்துகள் நாள்தோறும் கூடுதலாக இயக்கப்பட்டு வருகிறது.

திருச்செந்தூரிலிருந்து கோவை, திருப்பூா் உள்ளிட்ட தொலைதூர பகுதிகளுக்குச் செல்லும் பேருந்துகளில் இரு பேருந்துகளை சாத்தான்குளம் வரை நீட்டித்தால் இப்பகுதி பொதுமக்கள் பயன்பெறுவா்.

இதுகுறித்து சாத்தான்குளம் வா்த்தக சங்கத் தலைவா் அப்பு கண்ணன் கூறுகையில், சாத்தான்குளம் வழியாக தனியாா் பேருந்துகள் அதிகமாக இயக்கப்பட்டு வருகின்றன. தனியாா் பேருந்துகளில் பண்டிகை, விசேஷ காலங்களில் கூடுதல் கட்டணம் கொடுத்துதான் சாத்தான்குளத்துக்கு வந்துசெல்ல வேண்டிய நிலை உள்ளது என்றாா் அவா்.

இவ்விஷயத்தில், அரசு போக்குவரத்துத் துறை அதிகாரிகள், மாவட்ட நிா்வாகம் கவனம் செலுத்தி சாத்தான்குளத்தில் இருந்து கோவைக்கு பேருந்துகளை மீண்டும் இயக்க நடவடிக்கை எடுக்க வேண்டும் என்பதே பொதுமக்களின் எதிா்பாா்ப்பு.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.