மத்திய அரசு திட்டங்களை விளக்கி ரங்கோலி கோலம்

தூத்துக்குடி தெற்கு மாவட்ட பாஜக சாா்பில் மத்திய அரசுத் திட்டங்களை விளக்கி ரங்கோலி கோலம் வரையும் நிகழ்ச்சி சிவன் கோயில் தேரடி முன் நடைபெற்றது.

பிரதமா் நரேந்திர மோடியின் 25 ஆண்டுகால பொதுவாழ்வை பாராட்டும் வகையில், நடைபெற்ற இந்நிகழ்ச்சியில், மத்திய அரசின் ஜன்தன் யோஜனா, ஸ்வச் பாரத் மிஷன் உள்ளிட்ட 20-க்கும் மேற்பட்ட திட்டங்களை பெயா்களுடன் விளக்கி வண்ணக் கோலங்கள் வரையப்பட்டன.

நிகழ்ச்சியில், தூத்துக்குடி தெற்கு மாவட்ட பாஜக பொதுச் செயலா் ஏ.எம்.ராஜேஷ், மாநில செயற்குழு உறுப்பினா் விவேகம் ரமேஷ், மாவட்டத் துணைத் தலைவா் சிவராமன் காளிராஜா, கிழக்கு மண்டலத் தலைவா் சண்முகசுந்தரம், வணிகப் பிரிவு மாவட்டத் தலைவா் செந்தில், மாவட்டச் செயலா் செல்வி, இளைஞரணி சக்திவேல், ஊடகப் பிரிவு மாவட்டத் தலைவா் ஜெயக்குமாா், ஓபிசி அணி மாவட்டப் பொதுச் செயலா் வன்னியராஜ் உள்ளிட்டோா் பங்கேற்றனா்.

நிகழ்ச்சியை டாக்டா் சுதா, மகளிரணி மாவட்டத் தலைவா் வெள்ளத்தாய், ஆன்மிகப் பிரிவு மாவட்டத் துணைத் தலைவா் உஷா, கிழக்கு மண்டலச் செயலா் ஜெயரூபி உள்ளிட்டோா் ஒருங்கிணைத்தனா்.