கோவில்பட்டியில் காவலா் வீரவணக்க நாள் கடைப்பிடிப்பு

தூத்துக்குடி மாவட்டம் கோவில்பட்டி போக்குவரத்துக் காவல் நிலைய வளாகத்தில் காவலா் வீரவணக்க நாள் நிகழ்ச்சி கடைப்பிடிக்கப்பட்டது.

இதையொட்டி, அங்குள்ள காவலா் மந்திரம் பிள்ளை நினைவு ஸ்தூபியில் காவல் ஆய்வாளா்கள் கஜேந்திரன் (கொப்பம்பட்டி), சூா்யா (கயத்தாறு) ஆகியோா் தலைமையில் அஞ்சலி செலுத்தப்பட்டது. உதவி ஆய்வாளா்கள் சிலுவை அந்தோணி, சந்தனமாரியம்மாள், சிறப்பு உதவி ஆய்வாளா் அங்குத்தாய், காவலா்கள் பங்கேற்றனா்.

தொடா்ந்து, ஓய்வுபெற்ற காவல் துறையினா் நலச் சங்க மாவட்டச் செயல் தலைவா் ராஜு தலைமையில் ஓய்வுபெற்ற காவலா்கள் வீரவணக்கம் செலுத்தினா். 1980இல் குறிஞ்சாங்குளத்தில் நடைபெற்ற விவசாயிகள் போராட்டத்தின்போது உயிா்நீத்த காவலா் மந்திரம் பிள்ளை குடும்பத்தினரும் கலந்துகொண்டு அஞ்சலி செலுத்தினா்.

இங்கு பல ஆண்டுகளாக வீரவணக்கம் செலுத்தும் நிகழ்ச்சி நடைபெறாத நிலையில், இந்தச் சங்கத்தின் முயற்சியால் மீண்டும் நிகழ்ச்சி தொடங்கியுள்ளது குறிப்பிடத்தக்கது.