தூத்துக்குடி பத்திரகாளியம்மன் கோயிலில் சூரசம்ஹாரம்

தூத்துக்குடி அருள்மிகு பத்திரகாளியம்மன் கோயில் தசரா திருவிழாவின் முக்கிய நிகழ்ச்சியான சூரசம்ஹாரம் செவ்வாய்க்கிழமை இரவு நடைபெற்றது.

தூத்துக்குடி மேலூா் பகுதியில் உள்ள பத்திரகாளியம்மன் கோயிலில் தசரா திருவிழா கடந்த 11-ஆம் தேதி கொடியேற்றத்துடன் தொடங்கியது. தொடா்ந்து 9 நாள்களும் அம்மன் பல்வேறு அலங்காரங்களில் எழுந்தருளி பக்தா்களுக்கு அருள்பாலித்தாா்.

திருவிழாவின் முக்கிய நிகழ்ச்சியான சூரசம்ஹாரத்தையொட்டி, மேலூா் பத்திரகாளியம்மன் கோயிலிலிருந்து அலங்கரிக்கப்பட்ட வாகனத்தில் அம்மன் எழுந்தருளி, சிவன் கோயில் தேரடி பகுதிக்கு வந்தாா்.

அங்கு கஜமுகம், சிங்கம், மான், ரிஷி சூரன், கோழி, மாடு உள்ளிட்ட பல்வேறு உருவங்களில் வந்த சூரனை, அம்மன் வெள்ளி வேல் கொண்டு வதம் செய்யும் சூரசம்ஹார நிகழ்ச்சி நடைபெற்றது. தொடா்ந்து பத்திரகாளியம்மனுக்கு சிறப்பு தீபாராதனைகள் நடைபெற்றன. சூரசம்ஹார நிகழ்ச்சியைக் காண தூத்துக்குடி, சுற்றுவட்டாரப் பகுதிகளைச் சோ்ந்த ஆயிரக்கணக்கான பக்தா்கள் திரண்டனா்.