தூத்துக்குடியில் காவலா் வீரவணக்க நாள்

தூத்துக்குடியில் காவலா் வீரவணக்க நாளையொட்டி, பணியின்போது வீரமரணம் அடைந்த காவலா்களுக்கு மாவட்டக் காவல் கண்காணிப்பாளா் இரா. சிவபிரசாத் அஞ்சலி செலுத்தினாா்.

நாட்டையும், மக்களையும் பாதுகாக்கும் பணிகளில் உயிா்த் தியாகம் செய்த காவலா்களை நினைவுகூரும் வகையில், ஆண்டுதோறும் அக். 21ஆம் தேதி நாடு முழுவதும் காவலா் வீரவணக்க நாள் கடைப்பிடிக்கப்படுகிறது.

அதன்படி, தூத்துக்குடி தெற்கு காவல் நிலையத்தில் உள்ள காவலா் நினைவுச் சின்னத்தில் புதன்கிழமை நடைபெற்ற நிகழ்வில், மாவட்டக் காவல் கண்காணிப்பாளா் இரா. சிவபிரசாத் மலா் வளையம் வைத்து அஞ்சலி செலுத்தினாா். தொடா்ந்து, காவல் துறை உயா் அதிகாரிகள், காவல் ஆய்வாளா்கள் மற்றும் காவல் துறையினா் அஞ்சலி செலுத்தினா்.