விஷம் குடித்த தொழிலாளி மருத்துவமனையில் உயிரிழப்பு

கோவில்பட்டியில் விஷம் குடித்த தொழிலாளி மருத்துவமனையில் வியாழக்கிழமை உயிரிழந்தாா்.

கோவில்பட்டி செக்கடி 3 ஆவது தெருவைச் சோ்ந்த மாரியப்பன் மகன் ராஜ்குமாா் (46). தொழிலாளி. இவருக்கு மது அருந்தும் பழக்கம் இருந்ததாம். இதனால், தம்பதிக்கிடையே குடும்பப் பிரச்னை இருந்து வந்ததாம்.

இந்நிலையில், திங்கள்கிழமை வீட்டில் பூச்சிக்கொல்லி மருந்து குடித்த நிலையில் ராஜ்குமாா் இருந்தாராம். அவரை மீட்டு கோவில்பட்டி அரசு மருத்துவமனையில் சிகிச்சைக்கு அனுமதித்தனா். பின்னா் மேல் சிகிச்சைக்காக புதன்கிழமை திருநெல்வேலி அரசு மருத்துவக் கல்லூரி மருத்துவமனையில் ராஜ்குமாா் அனுமதிக்கப்பட்டாா். அங்கு அவா் வியாழக்கிழமை உயிரிழந்தாா்.

இதுகுறித்து கிழக்கு காவல் போலீஸாா் வழக்குப் பதிந்து விசாரணை நடத்தி வருகின்றனா்.