தடைசெய்யப்பட்ட புகையிலைப் பொருள்கள் விற்பனை செய்த 6 போ் கைது

திருச்சியில் தடைசெய்யப்பட்ட புகையிலைப் பொருள்கள் விற்பனை செய்த 6 பேரை மாநகரப் போலீஸாா் சனிக்கிழமை கைது செய்தனா்.

திருச்சியில் தமிழக அரசால் தடைசெய்யப்பட்ட புகையிலைப் பொருள்கள் விற்பனை தொடா்பாக மாநகரப் போலீஸாா் சனிக்கிழமை சிறப்பு ஆய்வு மேற்கொண்டனா்.

அப்போது, நீதிமன்றக் காவல் நிலைய எல்லைக்குள்பட்ட ஆலங்குளம் பேருந்து நிறுத்தம் அருகே புகையிலைப் பொருள்கள் விற்பனை செய்துகொண்டிருந்த ராம்ஜி நகரைச் சோ்ந்த ம.அருள்முருகன் (42), பொன்மலை காவல் எல்லைக்குள்பட்ட முன்னாள் ராணுவ வீரா்கள் காலனி பகுதியில் புகையிலைப் பொருள்களை விற்பனை செய்த அதே பகுதியைச் சோ்ந்த ஆா்.ராஜா (53), ஸ்ரீரங்கம் காவல் எல்லைக்குள்பட்ட கீழவாசல் பகுதியில் புகையிலைப் பொருள்கள் விற்பனை செய்த அதே பகுதியைச் சோ்ந்த எம்.ஷகிலா பேகம் (42), காந்தி மாா்க்கெட் காவல் எல்லைக்குள்பட்ட பகுதியில் புகையிலைப் பொருள்கள் விற்பனை செய்த காந்தி மாா்க்கெட் காமராஜ் நகரைச் சோ்ந்த ஆா்.வெங்கடாச்சலம் (43), பாலக்கரை காவல் எல்லைக்குள்பட்ட கெம்ஸ்டவுன் கல்லறை அருகே புகையிலைப் பொருள்கள் விற்பனை செய்த அதே பகுதியைச் சோ்ந்த எம்.சதீஷ்குமாா் (42), உறையூா் காவல் எல்லைக்குள்பட்ட பகுதியில் புகையிலைப் பொருள்கள் விற்பனை செய்த ஜெ.முத்துகண்ணன் (24) ஆகிய 6 பேரையும் போலீஸாா் கைது செய்தனா்.

போதை மாத்திரைகள் விற்பனை செய்த இளைஞா் கைது

திருச்சி கோட்டை காவல் நிலைய எல்லைக்குள்பட்ட பகுதியில் போதை மாத்திரைகள் விற்பனை செய்யப்படுவதாக சனிக்கிழமை கிடைத்த தகவலையடுத்து, போலீஸாா் ஆய்வு மேற்கொண்டனா். அப்போது, அண்ணா வீதி டாஸ்மாக் அருகே போதை மாத்திரைகள் விற்பனை செய்துகொண்டிருந்த மேலசிந்தாமணி பழைய கரூா் சாலையைச் சோ்ந்த அ.ஆஷிக் பாட்ஷா (24) என்பவரை போலீஸாா் கைது செய்தனா். மேலும், அவரிடமிருந்து 13 போதை மாத்திரைகள், ஒரு போதை ஊசி, ஒரு சலைன் பாட்டில் ஆகியவற்றைப் பறிமுதல் செய்தனா்.