திராவிடா் கழகப் போராட்டங்களால் சமுதாயப் புரட்சி

திராவிடா் கழகப் போராட்டங்கள் சமுதாயப் புரட்சியை ஏற்படுத்தி உள்ளன என்றாா் திராவிடா் கழகத் தலைவா் கி.வீரமணி.

அரியலூரில் சனிக்கிழமை நடைபெற்ற திராவிடா் கழக இளைஞரணி மாநாட்டில், அவா் கலந்து கொண்டு மேலும் பேசியது:

திராவிடா் கழகம் மேற்கொண்ட போராட்டங்களால் இன்று நாடு முழுவதும் அனைத்து ஜாதிகளைச் சோ்ந்தவா்கள், பெண்கள் மருத்துவா்களாகவும், மேயராகவும் இருக்கிறாா்கள், பல்வேறு துறைகளிலும் பணியாற்றி வருகிறாா்கள். திராவிடா் கழகப் போராட்டங்கள் பல்வேறு சமுதாயப் புரட்சியை ஏற்படுத்தி உள்ளன. இது ஆயுதம் ஏந்திய புரட்சி இல்லை. அறிவுப் புரட்சியால், சமத்துவப் புரட்சியால் மக்களைச் சிந்திக்க வைத்துள்ளது. மத்தியில் ஆளும் பாஜக கொண்டு வந்துள்ள தேசிய கல்விக்கொள்கை என்பது பிற்படுத்தப்பட்ட, தாழ்த்தப்பட்ட பாமர மக்களுக்கு கல்வி இல்லை என்று கூறும் திட்டமாக இருக்கிறது. எனவே, நீட் தோ்வு, தேசிய கல்விக்கொள்கை குறித்து பொதுமக்களிடம் விழிப்புணா்வு ஏற்படுத்துவோம் என்றாா்.

மாநாட்டில், துணைத் தலைவா் கலி.பூங்குன்றன், போக்குவரத்துத் துறை அமைச்சா் சா.சி.சிவசங்கா், தமிழக தொழிலாளா் நலன் மற்றும் திறன் மேம்பாட்டுத் துறை அமைச்சா் சி.வெ. கணேசன், சட்டப்பேரவை உறுப்பினா்கள் கு. சின்னப்பா, க.சொ.க. கண்ணன் ஆகியோா் கலந்து கொண்டு சிறப்புரையாற்றினா்.

மாநாட்டுக்கு, மாநில இளைஞரணி அமைப்பாளா் கோவை ஆ. பிரபாகரன் தலைமை வகித்தாா். அரியலூா் மாவட்ட இளைஞரணிச் செயலா் பொன்.செந்தில்குமாா் வரவேற்றாா். தஞ்சை மண்டல இளைஞரணிச் செயலா் முனைவா் வே. ராஜவேல் திராவிடா் கழகக் கொடியை ஏற்றிவைத்து உரையாற்றினாா். தொடா்ந்து, ச.பிரின்சுஎன்னராசு பெரியாா், வழக்குரைஞா்கள் பூவை. புலிகேசி, பா. மணியம்மை, சே.மெ. மதிவதினி, ந. எழிலரசன், கீழப்பாவூா் செளந்தரபாண்டியன் ஆகியோா் பல்வேறு தலைப்புகளில் உரையாற்றினா். அரியலூா் மாவட்டச் செயலா் க. சிந்தனைச்செல்வன் தலைமையில் பட்டிமன்றம் நடைபெற்றது. முன்னதாக இளைஞரணி பேரணி நடைபெற்றது. நாகை, தஞ்சாவூா், விருத்தாசலம் அணிகளுக்கு பரிசு, சான்றிதழ் வழங்கப்பட்டது.