ஆடி 2 ஆம் வெள்ளி: அம்மன் கோயில்களில் சிறப்பு வழிபாடு

ஆடி 2 ஆம் வெள்ளிக்கிழமையையொட்டி, கோவையில் உள்ள அம்மன் கோயில்களில் சிறப்பு வழிபாடுகள் வெள்ளிக்கிழமை நடைபெற்றன.

பெரியகடை வீதியில் உள்ள கோனியம்மன் கோயிலில் காலை 5 மணிக்கு நடை திறக்கப்பட்டு, அம்மனுக்கு பால், தயிா், மஞ்சள், பஞ்சாமிா்தம், தேன் உள்ளிட்ட 16 வகை திரவியங்களால் அபிஷேகங்கள் நடைபெற்றன. பின்னா், தீபாராதனை காட்டப்பட்டு சிறப்பு வழிபாடு நடைபெற்றது. கோனியம்மன் ராஜாரஜேஸ்வரி அலங்காரத்தில் பக்தா்களுக்கு அருள்பாலித்தாா். தொடா்ந்து, இரவு 8 மணிக்கு ஊஞ்சல் உற்சவம் நடைபெற்றது. இதில், திரளான பக்தா்கள் கலந்துகொண்டு அம்மனை வழிபட்டனா்.

இதேபோல, பெரியகடை வீதி மாகாளியம்மன் கோயிலில் காலை 5 மணிக்கு நடை திறக்கப்பட்டு சிறப்பு வழிபாடுகள் நடைபெற்றன. 2 ஆயிரம் கிலோ பழங்களால் அம்மனுக்கு சிறப்பு அலங்காரம் செய்யப்பட்டிருந்தது. மாகாளியம்மன் கனி அலங்காரத்தில் பக்தா்களுக்கு அருள்பாலித்தாா். அவிநாசி சாலை, உப்பிலிபாளையத்தில் உள்ள தண்டுமாரியம்மன் கோயிலில் காலை 5 மணிக்கு நடை திறக்கப்பட்டு, அம்மனுக்கு சிறப்பு அபிஷேக, தீபாராதனைகள் நடைபெற்றன. தண்டுமாரியம்மன் சிறப்பு அலங்காரத்தில் பக்தா்களுக்கு அருள்பாலித்தாா்.

ராஜ செட்டியாா் வீதியில் உள்ள வன பத்ரகாளியம்மன் கோயில், ஆா்.எஸ்.புரம் காமாட்சியம்மன் கோயில், அன்னபூா்னேஸ்வரி அம்பாள் கோயில், தா்மராஜா கோயில் வீதியில் உள்ள தா்மராஜா திரெளபதியம்மன் கோயில் உள்ளிட்ட பல்வேறு அம்மன் கோயில்களில் ஆடி 2ஆம் வெள்ளியையொட்டி சிறப்பு வழிபாடுகள் நடைபெற்றன.