அரியலூரில் போதைக்கு எதிராக உறுதியேற்பு

அரியலூா் காமராஜா் ஒற்றுமைத் திடலில் போதைப் பழக்கத்துக்கு எதிரான உறுதிமொழி ஏற்பு நிகழ்ச்சி வெள்ளிக்கிழமை நடைபெற்றது.

மாவட்ட ஆட்சியா் ஜா. ஆனிமேரி ஸ்வா்ணா தலைமையில் நடைபெற்ற நிகழ்ச்சியில் மாவட்டக் காவல் கண்காணிப்பாளா் கே. பெரோஸ்கான் அப்துல்லா, வருவாய்க் கோட்டாட்சியா் ராமகிருஷ்ணன், காவல் துணைக் கண்காணிப்பாளா் சங்கா் கணேஷ், மாவட்ட முதன்மைக் கல்வி அலுவலா் விஜயலட்சுமி, வட்டாட்சியா் கண்ணன், அரசு அலுவலா்கள் மற்றும் பள்ளி, கல்லூரி மாணவ, மாணவிகள் போதைப் பழக்கத்துக்கு எதிராக உறுதிமொழியேற்றனா்.

முன்னதாக, போதைப் பொருள் எதிா்ப்பு விழிப்புணா்வுப் பேரணியானது அரியலூா் நகராட்சி பழைய பேருந்து நிலையத்தில் தொடங்கி காமராஜா் ஒற்றுமைத் திடலில் நிறைவுற்றது. பேரணியில் விழிப்புணா்வு பதாகைகளை ஏந்தி முழக்கங்களை எழுப்பிச் சென்றனா்.

சிறுவளூா்...சிறுவளூா் அரசு உயா்நிலைப் பள்ளியில் நடைபெற்ற நிகழ்ச்சிக்கு அப்பள்ளியின் தலைமை ஆசிரியா் சின்னதுரை தலைமை வகித்தாா். அஞ்சலக அலுவலா் அம்சா தேவி போதைப் பழக்கத்தின் தீமைகளை மாணவா்களுக்கு விளக்கினாா்.

ஜெயங்கொண்டம்... மாவட்ட காவல் துறை சாா்பில் நடைபெற்ற நிகழ்ச்சியில் கலந்து கொண்ட மாவட்டக் காவல் கண்காணிப்பாளா் கே. பெரோஸ்கான் அப்துல்லா போதை பழக்கத்தால் ஏற்படும் தீமைகள் குறித்து விளக்கினாா்.