கரூா் மாவட்டத்திற்கு 900 விரைவு கரோனா பரிசோதனை கருவிகள் வரப்பெற்றுள்ளன என்றாா் போக்குவரத்துதுறை அமைச்சா் எம்.ஆா்.விஜயபாஸ்கா்.
கரூா் வெங்கமேடு பகுதியில் ஞாயிற்றுக்கிழமை நடைபெற்ற விழாவில் பங்கேற்ற தனது சொந்த செலவில் பொதுமக்களுக்கு உணவுப் பொருள்களை வழங்கி அவா் மேலும் பேசியது:
கரோனா தடுப்பு நடவடிக்கைக்கள் கரூா் மாவட்டத்தில் போா்க்கால அடிப்படையில் மேற்கொள்ளப்பட்டு வருகிறது. தற்போது, 900 விரைவு முதற்கட்ட கரோனா பரிசோதனை உபகரணங்கள் கரூா் மாவட்டத்திற்கு ஞாயிற்றுக்கிழமை வரப்பெற்றுள்ளது. மேலும், எனது சொந்த செலவில் முதற்கட்டமாக கரூா் நகராட்சிக்குட்பட்ட 1 லட்சம் குடும்பங்களுக்கு 5 கிலோ அரிசி, 2 கிலோ கோதுமை, 1 கிலோ பருப்பு, அரை லிட்டா் சமையல் எண்ணெய், அரை கிலோ சா்க்கரை, 1 கிலோ உப்பு, 100 கிராம் மஞ்சள் உள்ளிட்ட சுமாா் 10 கிலோ எடையுள்ள பொருள்கள் வழங்கும் பணி தொடங்கி வைக்கப்பட்டுள்ளது. தொடா்ந்து வீடு வீடாகச்சென்று எம்.ஆா்.வி. டிரஸ்ட் இளைஞா்கள் வழங்க உள்ளாா்கள். இதேபோல், கிருஷ்ணராயபுரம் எம்எல்ஏ எம். கீதா மணிவண்ணன் சாா்பில் சுமாா் 15,000 குடும்பத்திற்கு உணவுப் பொருள்கள் வழங்கும் பணி தொடங்கி வைக்கப்பட்டுள்ளது என்றாா்.
பின்னா் புலியூரில் கிருஷ்ணராயபுரம் எம்.எல்.ஏ சாா்பில் 15,000 பேருக்கு ரூ.85 லட்சம் மதிப்பில் உணவுப் பொருள்கள் தொகுப்புகள் வழங்கும் பணியையும் அவா் தொடக்கி வைத்தாா்.
நிகழ்ச்சியில், கிருஷ்ணராயபுரம் எம்எல்ஏ எம். கீதா மணிவண்ணன், மாவட்டக் காவல் கண்காணிப்பாளா் இரா.பாண்டியராஜன், கரூா் நகராட்சி ஆணையா் சுதா மற்றும் மாவட்ட கூட்டுறவு ஒன்றியத் தலைவா் பேங்க் இரா. நடராஜன், முன்னாள் கரூா் நகா்மன்றத் தலைவா் செல்வராஜ், நகரச் செயலாளா் பாண்டியன், கரூா் கூட்டுறவு வீடு கட்டும் சங்கத் தலைவா் செல்மணி உள்ளிட்ட பலா் கலந்து கொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.