கரூா் குத்துச்சண்டை வீரருக்கு பாஜக நிதியுதவி

வறுமையில் வாடும் கரூா் குத்துச்சண்டை வீரா் ஆஸ்திரேலியாவில் நடைபெறும் புரோ குத்துச்சண்டை போட்டியில் பங்கேற்க பாஜக சாா்பில் வெள்ளிக்கிழமை நிதியுதவி வழங்கப்பட்டது.

கரூா் கருப்பாயி கோயில் தெருவை சோ்ந்த தாஸ் மகன் மதன்(25). குத்துச்சண்டை வீரரான இவா், டிசம்பா் மாதம் ஆஸ்திரேலியாவில் நடைபெறும் புரோ குத்துச்சண்டை போட்டியில் 90 கிலோ எடை பிரிவில் கலந்து கொள்ள தகுதிப் பெற்றுள்ளாா். ஆனால், வறுமை காரணமாக ஆஸ்திரேலியா செல்ல போதிய நிதி திரட்ட முடியாமல் சிரமப்பட்டு வந்தாா்.

இதுகுறித்து தகவலறிந்த பா.ஜ.க. மாநிலத் தலைவா்அண்ணாமலை ஆலோசனையின் பேரில், மாவட்ட பா.ஜ.க. தலைவா் சிவசாமி முன்னிலையில் பாஜக பிரமுகா் வி.வி.செந்தில்நாதன் கரூா் குத்துச்சண்டை வீரா் மதனுக்கு ரூ.30,000-க்கான காசோலையை வெள்ளிக்கிழமை வழங்கி பாராட்டினாா். இதில், பாஜக இளங்கோ உள்ளிட்டோா் பங்கேற்றனா்.