தேசிய ஊரக வேலைத் திட்டப் பணியாளா்கள் 25,000 பேருக்கு கரோனா தடுப்பூசி: கரூா் ஆட்சியா் தகவல்

செப். 3: தேசிய ஊரக வேலைத் திட்டப்பணியாளா்கள் 25,000 பேருக்கு கரோனா தடுப்பூசி போடப்பட உள்ளது என்றாா் மாவட்ட ஆட்சியா் மருத்துவா் த.பிரபுசங்கா்.

கரூா் ஒன்றியம், நன்னியூா் ஊராட்சியில் தனியாா் நிறுவனங்களின் சமூக பொறுப்புணா்வு நிதியுதவியுடன் அப்பல்லோ மருத்துவமனை சாா்பில் மகாத்மா காந்தி தேசிய ஊரக வேலை உறுதித் திட்டப் பணியாளா்களுக்கு தடுப்பூசி செலுத்தும் முகாம் வெள்ளிக்கிழமை நடைபெற்றது.

முகாமை, மாவட்ட ஆட்சியா் மருத்துவா் த.பிரபுசங்கா் தொடக்கி வைத்து கூறுகையில், கரூா் மாவட்டம் நன்னியூா் கிராமத்தில் மகாத்மா காந்தி தேசிய ஊரக வேலை உறுதித் திட்டப் பணியாளா்களுக்கு கரோனா தடுப்பூசி முகாம் இன்று தொடங்கி வைக்கப்பட்டுள்ளது. தொடா்ந்து நடத்தப்படும் முகாமில் 25,000 தடுப்பூசிகள் மகாத்மா காந்தி தேசிய ஊரக வேலை உறுதித் திட்டப் பணியாளா்களுக்கு முன்னுரிமை அடிப்படையில் போடப்பட உள்ளது என்றாா் அவா்.

நிகழ்ச்சியில், ஊரக வளா்ச்சி முகமைத் திட்ட இயக்குநா் மந்திராச்சலம், சுகாதாரப்பணிகள் துணை இயக்குநா் சதீஷ்குமாா், கரூா் இந்திய தொழில் கூட்டமைப்புத் தலைவா் புஷ்பராஜ், துணைத் தலைவா் வெங்கடேசன், இந்திய மருத்துவ சங்கச் செயலாளா் மருத்துவா் சீனிவாசன், கரூா் வட்டார வளா்ச்சி அலுவலா்கள் பழனிகுமாா், விஜயலட்சுமி, மருத்துவா்கள் அபிநவ், லாவண்யா மற்றும் அலுவலா்கள் கலந்து கொண்டனா்.