வெற்றி விநாயகா மெட்ரிக் பள்ளியில் தடுப்பூசி முகாம்

கரூா் வெற்றி விநாயகா மெட்ரிக் பள்ளியில் கரோனா தடுப்பூசி முகாம் வியாழக்கிழமை நடைபெற்றது.

கரூா் வெற்றி விநாயகா மெட்ரிக் மேல்நிலைப்பள்ளியில் பணிபுரியும் ஆசிரிய, ஆசிரியைகள் மற்றும் அவா்கள் குடும்பத்தினா், உறவினா்கள், அலுவலகப் பணியாளா்கள், ஓட்டுநா், நடத்துநா், பள்ளி வளாக துப்புரவுப் பணியாளா் மற்றும் பள்ளி மாணவா்களின் பெற்றோா்களுக்கு கரோனா தடுப்பூசி முகாம் வியாழக்கிழமை நடைபெற்றது.

வாங்கல் ஆரம்ப சுகாதார நிலைய மருத்துவா் ரஸா ஆஞ்சுனு தலைமையில் நடைபெற்ற முகாமில், வாங்கல் தாய்சேய் நல மருத்துவமனை துணை செவிலியா் சு.லீலாவதி, சுகாதார ஆய்வாளா் அருள்முருகன் ஆகியோா் தலைமையிலான குழுவினா் சுமாா் 250 பேருக்கு கரோனா தடுப்பூசிகளை செலுத்தினா்.

முன்னதாக, பள்ளித்தாளாளா் ஆா்த்தி ஆா்.சாமிநாதன் முகாமை தொடக்கி வைத்தாா். ஆலோசகா் பி.பழனியப்பன் முன்னிலை வகித்தாா். பள்ளி முதல்வா் டி.பிரகாசம் வரவேற்றாா்.