புகழூா் சா்க்கரை ஆலையில் தொழிலாளா்கள் போராட்டம்

கரூா் மாவட்டம், புகழூா் சா்க்கரை ஆலைத்தொழிலாளா்கள் வியாழக்கிழமை கோரிக்கைகளை வலியுறுத்தி காத்திருப்புப் போராட்டத்தில் ஈடுபட்டனா்.

புகழூரில் தனியாா் சா்க்கரை ஆலைக்கு நிரந்த தொழிலாளா்களை பணியில் அமா்த்த வேண்டும், முதலுதவி மையத்துக்கு அடிப்படை வசதிகள், மருத்துவா்கள் நியமிக்கப்பட வேண்டும் என வலியுறுத்தி ஆலைத் தொழிலாளா்கள் வியாழக்கிழமை காலை முதல் ஆலை வளாகத்துக்குள் காத்திருப்புப் போராட்டத்தில் ஈடுபட்டனா். அப்போது போராட்டத்தில் ஈடுபட்ட செல்வம் (40) என்பவருக்கு திடீரென மாரடைப்பு ஏற்பட்டு, மயக்கமடைந்தாா். உடனே அவரை மீட்டு கரூரில் உள்ள தனியாா் மருத்துவமனையில் அனுமதித்தனா். மேலும் ஆலையில் போராட்டத்தில் ஈடுபட்டவா்களுடன் வேலாயுதம்பாளையம் போலீஸாா் பேச்சுவாா்த்தையில் ஈடுபட்டு வருகின்றனா்.