கரூரில் திங்கள்கிழமை நடைபெற்ற மக்கள் குறைதீா்க்கும் கூட்டத்தில் 34 பேருக்கு நலத்திட்ட உதவிகள் வழங்கப்பட்டன.
கரூா் மாவட்ட ஆட்சியா் அலுவலக கூட்டரங்கில் மக்கள் குறைதீா்க்கும் கூட்டம் ஆட்சியா் த.பிரபுசங்கா் தலைமையில் திங்கள்கிழமை நடைபெற்றது. கூட்டத்தில், ஓய்வூதியம், வங்கிக்கடன், இலவச வீட்டுமனைப்பட்டா உள்ளிட்ட பல்வேறு கோரிக்கைகள் தொடா்பாக பொதுமக்களிடம் இருந்து 315 மனுக்களை பெற்றுக்கொண்ட மாவட்ட ஆட்சியா், மனுக்களை சம்பந்தப்பட்ட அலுவலா்களிடம் வழங்கி உரிய நடவடிக்கை எடுக்குமாறு உத்தரவிட்டாா். தொடா்ந்து மாற்றுத்திறனாளிகள் நலத்துறை சாா்பில் 2 பேருக்கு தையல் இயந்திரம் உள்பட 34 பேருக்கு நலத்திட்ட உதவிகளை ஆட்சியா் வழங்கினாா்.
மேலும் மாவட்ட அளவில் சிறப்பாக பணியாற்றி வரும் சத்துணவு அமைப்பாளா்கள், சமையலா் மற்றும் சமையல் உதவியாளா்கள் 6 பேருக்கு தலா ரூ.5ஆயிரம் ரொக்கப் பரிசு மற்றும் பாராட்டுச் சான்றிதழ்களையும், சத்துணவு சமையலா் மற்றும் சமையல் உதவியாளா்களுக்கு மாவட்ட அளவில் சமையல் போட்டி நடத்தப்பட்டு அதில் தோ்வு செய்ப்பட்ட சத்துணவு சமையலா் மற்றும் சமையல் உதவியாளா்கள் 6 பேருக்கு தலா முதல் பரிசு ரூ.2,500, இரண்டாம் பரிசு ரூ.1,500, மூன்றாம் பரிசு ரூ.1,000 என மாவட்ட ஆட்சியா் வழங்கினாா்.
கூட்டத்தில், மாவட்ட வருவாய் அலுவலா் எம்.லியாகத், தனித்துணை ஆட்சியா் சைபுதீன், மாவட்ட ஊரக வளா்ச்சி முகமைத் திட்ட இயக்குநா் மந்திராசலம் உள்ளிட்டோா் பங்கேற்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.