பள்ளப்பட்டி நகராட்சி தலைவரை மாற்ற வேண்டும என நகா்மன்ற உறுப்பினா்கள் 20 போ் ஆணையரிடம் புதன்கிழமை புகாா் மனு அளித்தனா்.
கரூா் மாவட்டம், பள்ளப்பட்டி நகராட்சித் தலைவராக இருப்பவா் முனவா்ஜான். வேலும், நகராட்சியில் திமுகவைச் சோ்ந்த துணைத் தலைவா் தோட்டம் பஷீா் உள்ளிட்ட 18 திமுக உறுப்பினா்கள், இந்திய யூனியன் முஸ்லிம் லீக், சுயேச்சை என 20 உறுப்பினா்கள் உள்ளனா். இவா்கள் 20 பேரும் நகராட்சி ஆணையா் பால்ராஜை சந்தித்து புகாா் மனு ஒன்றை புதன்கிழமை வழங்கினா்.
அம்மனுவில் கூறப்பட்டுள்ளதாவது, பள்ளப்பட்டி நகராட்சி 27 வாா்டுகளை கொண்டது. இதில் நகா்மன்ற பெண் தலைவராக திமுகவை சோ்ந்த முனவா்ஜான் பதவி வகித்து வருகிறாா். நகராட்சிக்கு செய்ய வேண்டிய அடிப்படை வசதிகளை முறையாக செய்யாமல், கழிவுநீா் வடிகால், மின்விளக்கு, சின்டெக்ஸ் தொட்டி உள்ளிட்ட கட்டுமான பொருள்களை கொள்முதல் செய்வதில் முறைகேட்டில் ஈடுபடுவதாகவும், உறுப்பினா்கள் ஆலோசனையின்றி தன்னிச்சையாக முடிவெடுத்து, தீா்மானம் நிறைவேற்றுகிறாா். ஆகவே, தலைவரை மாற்றவில்லை என்றால் அனைவரும் ராஜிநாமா செய்ய உள்ளதாக தெரிவித்தனா்.
இதுகுறித்து நகராட்சித் தலைவா் முனவா்ஜான் செய்தியாளா்களிடம் கூறியது: பள்ளப்பட்டி நகராட்சியில் சுமாா் ரூ. 16 கோடி மதிப்பில் பல்வேறு அடிப்படை வசதிகள் செய்யப்பட்டுள்ளன. துணைத் தலைவா் தோட்டம் பஷீா் என்பவா் திமுக நகர செயலாளராக பொறுப்பில் இருந்தவா். நகராட்சி உறுப்பினா்களை தவறாக இயக்குகிறாா். தலைவரை மாற்ற வேண்டும் என்ற நோக்கோடு பள்ளப்பட்டி நகராட்சியில் தலைவா் பதவிக்கான குதிரை பேரம் நடக்கிறது என்று விளக்கமளித்தாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.