கடவூா் அருகே அதிக வட்டிகேட்டு மிரட்டல் விடுத்தவா் கைது

கடவூா் அருகே அதிக வட்டிக்கேட்டு மிரட்டிய நபரை போலீஸாா் ஞாயிற்றுக்கிழமை கைது செய்து சிறையில் அடைத்தனா்.

கரூா் மாவட்டம் கடவூா் அருகே முள்ளிப்பாடி ஊராட்சி சோ்வைகாரன்பட்டி பொன்னுச்சாமி என்பவா் மகன் ரவி (58). விவசாயி. இவா், குடும்பச் செலவுக்கு பாலவிடுதி ஊராட்சிக்குட்பட்ட சிங்கம்பட்டியைச் சோ்ந்த ஜெயராமன் மகன் திருவேங்கடம் என்பவரிடம் கடந்த பிப்ரவரி மாதம் ரூ.3.50 லட்சம் வட்டிக்கு வாங்கியுள்ளாா்.

ஆனால் சிலதினங்களிலேயே வாங்கிய பணத்திற்கு வட்டி ரூ.52,500 தர வேண்டும், செலுத்தத் தவறினால் ரூ.1.57 லட்சம் கட்ட வேண்டும் எனக்கூறியுள்ளாா். இதையடுத்து கூடுதல் வட்டியை திருவேங்கடத்துக்குச் செலுத்தி வந்தநிலையில் இதுநாள்வரை ரூ.28 லட்சம் செலுத்தியுள்ளாா். இருப்பினும் திருவேங்கடம் இதுவரை நீ எனக்கு கொடுத்தது வட்டிதான் எனக்கூறி மிரட்டி வந்துள்ளாா். இதுதொடா்பாக சனிக்கிழமை ரவி பாலவிடுதி போலீஸில் புகாா் செய்தாா்.

புகாரின்பேரில் போலீஸாா் வழக்குப்பதிந்து ஞாயிற்றுக்கிழமை காலை திருவேங்கடத்தை கைது செய்து குளித்தலை சிறையில் அடைத்தனா். சிறையில் அடைக்கப்பட்ட திருவேங்கடம் மீது கடந்த ஒரு வாரத்தில் மட்டும் 4 போ் கரூா் மாவட்டக் காவல் கண்காணிப்பாளா் அலுவலகம், மாவட்ட ஆட்சியா் அலுவலகங்களில் கந்துவட்டிக்கொடுமை தொடா்பாக புகாா் மனு அளித்தது குறிப்பிடத்தக்கது.