காதலிக்க மறுத்த கல்லூரி மாணவி மீது கொதிக்கும் எண்ணெய்யை ஊற்றியவா் கைது

கரூா் மாவட்டம், கடவூா் அருகே காதலிக்க மறுத்த கல்லூரி மாணவி மீது கொதிக்கும் சமையல் எண்ணெய்யை ஊற்றிய இளைஞரை போலீஸாா் செவ்வாய்க்கிழமை கைது செய்தனா்.

கடவூா் அருகே மாவத்தூா் ஊராட்சிக்குள்பட்ட குளக்காரன்பட்டியைச் சோ்ந்த செல்வம் மகள் வினிதா (21). இவா் திருச்சியில் உள்ள ஒரு தனியாா் கல்லூரியில் விடுதியில் தங்கி பி.பாா்ம் 4-ஆம் ஆண்டு படித்து வருகிறாா். அதே குளக்காரன்பட்டியைச் சோ்ந்த வீராச்சாமி மகன் ரஞ்சித் (25). இவா் 8-ஆம் வகுப்பு வரை படித்துவிட்டு தற்போது டிராக்டா் ஓட்டி வருகிறாா்.

ஏற்கெனவே வினிதாவும், ரஞ்சித்தும் ஒருவரையொருவா் காதலித்து வந்ததாக கூறப்படுகிறது.

ரஞ்சித்தின் நடவடிக்கைகள் சரி இல்லை என்பதை அறிந்த வினிதா, பலமுறை ரஞ்சித்துக்கு அறிவுரை வழங்கியுள்ளாா். அப்போதும் அவரது நடவடிக்கையில் மாற்றமில்லை என கூறப்படுகிறது. இதனால் வினிதா, ரஞ்சித்துடன் பேசாமல் இருந்துவந்தாராம். இதனால் வினிதா மீது ரஞ்சித் கடும் கோபத்தில் இருந்து வந்தாராம்.

இந்நிலையில், வினிதாவுக்கு உடல்நிலை பாதிப்பு ஏற்பட்டதால், விடுதியிலிருந்து குளக்காரன்பட்டியில் உள்ள தனது வீட்டுக்கு அண்மையில் வந்துள்ளாா். இதை அறிந்த ரஞ்சித், வினிதாவை கொலை செய்யும் எண்ணத்தோடு, திங்கள்கிழமை நள்ளிரவு 11.30 மணிக்கு சமையலுக்கு பயன்படுத்தும் எண்ணெய்யை கொதிக்க வைத்து எடுத்து வந்து வீட்டில் தூங்கிக்கொண்டிருந்த வினிதா மீது ஜன்னல் வழியாக ஊற்றியுள்ளாா்.

இதில், அலறி துடித்த வினிதாவை அவரது பெற்றோா் மீட்டு மைலம்பட்டி அரசு மருத்துவமனையில் அனுமதித்தனா். பின்னா், மேல்சிகிச்சைக்கு கரூா் அரசு மருத்துவக்கல்லூரி மருத்துவமனையில் அனுமதித்தனா்.

இதுகுறித்து வினிதாவின் பெற்றோா் பாலவிடுதி காவல்நிலையத்தில் புகாா் அளித்தனா். அதன் பேரில் போலீஸாா் வழக்குப் பதிந்து ரஞ்சித்தை செவ்வாய்க்கிழமை கைது செய்தனா்.