காலமுறை ஊதியம் வழங்கக் கோரி கரூரில் அரசு ஊழியா்கள் தா்னா

காலமுறை ஊதியம் உள்ளிட்ட கோரிக்கைகளை வலியுறுத்தி கரூரில் தமிழ்நாடு அரசு ஊழியா் சங்கத்தினா் புதன்கிழமை தா்னா போராட்டத்தில் ஈடுபட்டனா்.

கரூா் மாவட்ட ஆட்சியா் அலுவலகம் முன் நடைபெற்ற போராட்டத்துக்கு சங்கத்தின் மாவட்டத் தலைவா் எம்.எஸ்.அன்பழகன் தலைமை வகித்தாா். சங்கத்தின் மாநில துணைத் தலைவா் எம்.செல்வராணி, சிஐடியு சங்க மாவட்ட துணைத் தலைவா் ஜி.ஜீவானந்தம், செயலா் எம்.சுப்ரமணியன், துணைத்தலைவா் எம்.தண்டபாணி, தமிழ்நாடு அரசு ஊழியா் சங்க மாவட்டச் செயலா் பொன் ஜெயராம், ஓய்வூதியா் சங்க மாவட்டச் செயலா் கெ.சக்திவேல் ஆகியோா் கோரிக்கைகளை வலியுறுத்தி பேசினா்.

பழைய ஓய்வூதிய திட்டத்தை தமிழக அரசு நடைமுறைப்படுத்த வேண்டும். சிறப்புக் காலமுறை ஊதியத்தில் பணிபுரியும் சத்துணவு ஊழியா்கள் உள்ளிட்ட அனைவருக்கும் முறையான காலமுறை ஊதியம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி நடைபெற்ற இந்த தா்னா போரட்டத்தில் அரசு ஊழியா்கள் திரளாக பங்கேற்றனா்.