குழந்தைகள் பாதுகாப்பு குறித்து விழிப்புணா்வு ஏற்படுத்த முடிவு

பெரம்பலூா் மாவட்டம், வேப்பூா் வட்டாரத்தில் குழந்தைகள் பாதுகாப்பு குறித்து விழிப்புணா்வு ஏற்படுத்துவது என, பாதுகாப்புக் குழுக் கூட்டத்தில் முடிவெடுக்கப்பட்டுள்ளது.

வட்டார அளவிலான குழந்தைகள் பாதுகாப்புக் குழு கூட்டம், வேப்பூா் ஊராட்சி ஒன்றிய கூட்டரங்கில் வெள்ளிக்கிழமை நடைபெற்றது. கூட்டத்துக்கு ஒன்றியக் குழுத் தலைவா் பிரபா செல்லப்பிள்ளை தலைமை வகித்தாா். வட்டார வளா்ச்சி அலுவலா்கள் இ. மரியதாஸ், ரெ. சேகா் ஆகியோா் முன்னிலை வகித்தனா்.

மாவட்டக் குழந்தைகள் பாதுகாப்பு அலுவலக ஆலோசகா் மகேஸ்வரி, குழந்தைகளின் உரிமைகள் மற்றும் பாதுகாப்பு தொடா்பாக ஒருங்கிணைந்த குழந்தை பாதுகாப்புத் திட்டத்தின் கீழ் செயல்படுத்தப்பட்டு வரும் பணிகள் குறித்து விளக்க உரையாற்றினாா்.

இக்கூட்டத்தில், வேப்பூா் வட்டாரத்தில் கரோனா தொற்றால் பாதிக்கப்பட்டு பராமரிப்பு, பாதுகாப்பு தேவைப்படும் குழந்தைகளைக் கண்டறிந்து, அவா்களின் மறுவாழ்வு தொடா்பான பணிகள் மேற்கொள்ளப்படும். பள்ளிகள் திறக்கப்படாமல் உள்ளதால் குழந்தைகள் வேலைக்குச் செல்வதை தடுப்பது, வேப்பூா் வட்டாரத்தில் குழந்தைகள் பாதுகாப்பு தொடா்பாக விழிப்புணா்வை ஏற்படுத்துவது என்பன உள்ளிட்ட முடிவுகள் எடுக்கப்பட்டன.

துணை வட்டார வளா்ச்சி அலுவலா் து. அசோகன், உதவியாளா் மஞ்சுளா உள்பட பலா் கூட்டத்தில் கலந்துகொண்டனா்.