அரசுப் பணியாளா் தோ்வாணையத்தின் குரூப் 2 மற்றும் குரூப் 2 ஏ போட்டித் தோ்வுக்கான நேரடி இலவச பயிற்சி வகுப்பில் பங்கேற்க மாணவா்களுக்கு ஆட்சியா் ப. ஸ்ரீ வெங்கட பிரியா அழைப்பு விடுத்துள்ளாா்.
இதுகுறித்து அவா் வெளியிட்ட செய்திக் குறிப்பு:
குரூப் 2 மற்றும் குரூப் 2 ஏ தோ்வுக்கான இலவச பயிற்சி வகுப்புகள், மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் புதன்கிழமை முதல் (திங்கள் முதல் வெள்ளி வரை) காலை 10 மணி முதல் 1 மணி வரை நடைபெற உள்ளது.
இப் பயிற்சி வகுப்பில் குரூப் 2 மற்றும் குரூப் 2 ஏ தோ்வுக்கான பாடக்குறிப்புகள் வழங்கப்படுவதோடு, மாதிரி தோ்வுகளும் நடத்தப்படும். இவ் வகுப்பில் பங்கேற்க விருப்பமுள்ளவா்கள் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரில் தொடா்புகொண்டு பதிவுசெய்து வகுப்புகளில் பங்கேற்கலாம்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.