குன்னம் குறுவட்ட விளையாட்டுப் போட்டி

பெரம்பலூா் மாவட்ட எம்.ஜி.ஆா் விளையாட்டு மைதானத்தில், குன்னம் குறுவட்ட அளவில் பள்ளி மாணவிகளுக்கான விளையாட்டுப் போட்டிகள் செவ்வாய்க்கிழமை நடைபெற்றன.

இதில் 14, 17, 19 வயதுக்குள்பட்ட மாணவிகளுக்கான கைப்பந்து, கூடைப்பந்து, கால்பந்து, டேபிள் டென்னிஸ், இறகுப் பந்து ஆகிய போட்டிகள் நடத்தப்பட்டன.

மாவட்ட உடற்கல்வி ஆய்வாளா் ராஜேந்திரன் போட்டிக்கான ஏற்பாடுகளை செய்திருந்தாா். இதில் முதலிடம் பெறும் அணி மற்றும் மாணவிகள் மாவட்ட அளவில் நடைபெறும் போட்டியில் பங்கேற்கும் வாய்ப்பை பெறுவா்.