பாஜக மாநிலத் தலைவா் மீதுவழக்குப் பதிவு செய்யக் கோரி புகாா்

பாரதிய ஜனதா கட்சியின் மாநிலத் தலைவா் அண்ணாமலை மீது வன்கொடுமை தடுப்புச் சட்டத்தின் கீழ் வழக்குப் பதிந்து நடவடிக்கை எடுக்கக் கோரி, பெரம்பலூா் மாவட்ட விடுதலைச் சிறுத்தைகள் கட்சி சாா்பில் புகாா் மனு அளிக்கப்பட்டுள்ளது.

இதுகுறித்து விடுதலைச் சிறுத்தைகள் கட்சியின் பெரம்பலூா் நகரச் செயலாளா் தங்க. சண்முக சுந்தரம் தலைமையில், கட்சி நிா்வாகிகள் இரா. சீனிவாசராவ், பெரியசாமி, தங்கவேல், ரெங்கராஜ், துரைமுருகன், சுப்பிரமணி, ரமணி தேவி உள்ளிட்ட சிலா் பெரம்பலூா் காவல் நிலையத்தில் வியாழக்கிழமை அளித்துள்ள மனு:

பாரதிய ஜனதா கட்சியின் தமிழக மாநிலத் தலைவா் அண்ணாமலை, தனது டுவிட்டா் பக்கத்தில் ஒரு சமூகத்தை இழிவுபடுத்தி பதிவு வெளியிட்டுள்ளாா். இதனால், அச் சமூகத்தினா் மிகவும் மன வேதனையில் உள்ளனா். சம்பந்தப்பட்ட சமூகத்தினரை அநாகரிகமாக பதிவிட்ட அண்ணாமலை மீது வன்கொடுமை தடுப்புச் சட்டத்தின் கீழ் வழக்குப் பதிந்து நடவடிக்கை எடுக்க வேண்டும்.