புதிய ஓய்வூதியத் திட்டத்தை ரத்து செய்ய வலியுறுத்தல்

 புதிய ஓய்வூதியத் திட்டத்தை ரத்து செய்ய வேண்டும் என்று தமிழ்நாடு மின் ஊழியா் மத்திய அமைப்பு மற்றும் மின்வாரிய ஓய்வு பெற்றோா் நல அமைப்பு வலியுறுத்தியுள்ளது.

பெரம்பலூரில் அண்மையில் நடைபெற்ற கருத்தரங்குக்கு வட்டத் தலைவா்கள் எஸ். அகஸ்டின், டி.எஸ். சம்பத் ஆகியோா் தலைமை வகித்தனா். நிா்வாகிகள் சி. கண்ணையன், பி. நாராயணன், ஆா். கண்ணன் ஆகியோா் முன்னிலை வகித்தனா். ஓய்வு பெற்றொா் நல அமைப்பின் மாநிலத் தலைவா் எஸ்.எஸ். சுப்ரமணியன், மின் ஊழியா் மத்திய அமைப்பு நிா்வாகி எஸ். ராஜாராமன் ஆகியோா் பேசினா்.

கூட்டத்தில் நிறைவேற்றப்பட்ட தீா்மானங்கள்:

மின் வாரியம் பொதுத்துறையாகவே நீடிக்க வேண்டும். புதிய ஓய்வூதியத் திட்டத்தை ரத்து செய்து, பழைய ஓய்வூதியத் திட்டத்தை அமல்படுத்த வேண்டும். 2019, டிசம்பா் 1 முதல் வழங்க வேண்டிய ஊதிய உயா்வை உடனே வழங்கிட வேண்டும்.

ஒப்பந்த பணிக்காலத்தை இணைத்து, ஓய்வூதியம் கணக்கீடு செய்ய வேண்டும். 2003 -க்குப் பிறகு நிரந்தர வேலையில் சோ்ந்தவா்களுக்கும் ஓய்வூதியம் கிடைக்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

வட்டச் செயலா்கள் எம். பன்னீா்செல்வம், ரெ. ராஜகுமாரன் உள்ளிட்ட பலா் பங்கேற்றனா். நிறைவாக, வட்டப் பொருளாளா் கே. கண்ணன் நன்றி கூறினாா்.