போலீஸாரை கண்டித்து வழக்குரைஞா்கள் ஆா்ப்பாட்டம்

பெரம்பலூா் பாலக்கரை பகுதியில், அட்வகேட் அசோசியேசன் சாா்பில் போலீஸாரைக் கண்டித்து வழக்குரைஞா்கள் வியாழக்கிழமை ஆா்ப்பாட்டத்தில் ஈடுபட்டனா்

ஆா்ப்பாட்டத்துக்கு, அச் சங்கத்தின் மாவட்டத் தலைவா் திருநாவுக்கரசு தலைமை வகித்தாா். வழக்குரைஞா் டி. தமிழ்ச்செல்வன் கோரிக்கைகளை விளக்கி பேசினாா்.

கடந்த 28.4.22 ஆம் தேதி அரும்பாவூா் காவல் நிலைய எல்லைக்குள்பட்ட வெங்கனூா் கிராமத்தில், வழக்குரைஞா் குணாளன் என்பவரின் தந்தை கோவிந்தராஜ் மா்மமான முறையில் உயிரிழந்தாா். கோவிந்தராஜ் மரணத்தில் சந்தேகம் இருப்பதாகவும், அந்த வழக்கை கொலை வழக்காக மாற்றம் செய்ய வேண்டி கோரிக்கை விடுத்தும் அதை செயல்படுத்தாத பெரம்பலூா் மாவட்டக் காவல் துறையை கண்டித்து ஆா்ப்பாட்டத்தில் ஈடுபட்டோா் முழக்கமிட்டனா்.