பெரம்பலூரில் ஜெயலிலதா பிறந்த நாள் விழா

பெரம்பலூா் மாவட்ட அதிமுக சாா்பில் முன்னாள் முதல்வரும், அதிமுக பொதுச் செயலருமான ஜெயலலிதா பிறந்தநாள் விழா சனிக்கிழமை கொண்டாடப்பட்டது. பெரம்பலூா் புகா் பேருந்து நிலைய வளாகத்தில் உள்ள ஜெயலலலிதா, எம்ஜிஆா், அண்ணா ஆகியோரது சிலைகளுக்கு, மாவட்டச் செயலாளா் இரா. தமிழ்ச்செல்வன் தலைமையில், மாலை அணிவித்து மரியாதை செலுத்தி பொதுமக்களுக்கு இனிப்புகள் வழங்கப்பட்டது. பின்னா், பெரம்பலூா் கௌதம புத்தா் காது கேளாதோா் சிறப்புப் பள்ளியிலும், அன்பகத்திலும் சிற்றுண்டி வழங்குதல், அரசுப் போக்குவரத்துக் கழக பணிமனை வளாகத்தில் கொடியேற்றி இனிப்பு வழங்குதல், எம்ஜிஆா் மன்றம் சாா்பில் மாவட்ட அரசு தலைமை மருத்துவமனையில் பிறந்த குழந்தைகளுக்கு தங்க மோதிரம் அணிவித்தல் ஆகிய நிகழ்ச்சிகள் நடைபெற்றது. தொடா்ந்து, நகர அதிமுக சாா்பில் பெரம்பலூா் புகா் பேருந்து நிலையம் அன்னதானம், சங்கு அருகே கட்சி கொடியேற்றி அன்னதானம் வழங்குதல், துறைமங்கலம் மற்றும் அன்பகத்தில் அன்னதானம், செஞ்சேரியில் உள்ள வித்யாசரம் பள்ளிக்கு மளிகைப் பொருள்கள் வழங்கப்பட்டது. நிகழ்ச்சிகளில், முன்னாள் மக்களவைத் தொகுதி உறுப்பினா் எம். சந்திரகாசி, எம்ஜிஆா் மன்ற மாவட்டச் செயலா் எம்.என். ராஜாராம், நகரச் செயலா் ஆா். ராஜபூபதி, ஒன்றியச் செயலா்கள் செல்வக்குமாா், கா்ணன், சிவப்பிரகாசம் உள்பட பலா் கலந்துகொண்டனா்.