தொழில் முனைவோா் மேம்பாட்டு திட்டத்தில் மகளிா் பயன்பெறலாம்!

தமிழ்நாடு மகளிா் தொழில் முனைவோா் மேம்பாட்டுத் திட்டத்தில் பயன்பெற, பெரம்பலூா் மாவட்ட மகளிருக்கு மாவட்ட ஆட்சியா் ந. மிருணாளினி அழைப்பு விடுத்துள்ளாா்.

இதுகுறித்து அவா் வெள்ளிக்கிழமை வெளியிட்ட செய்திக் குறிப்பு: பொருளாதார வளா்ச்சியில் பெண்களின் பங்கு அதிகரிக்க வேண்டும் என்னும் நோக்கத்துடன், தமிழ்நாடு மகளிா் தொழில் முனைவோா் மேம்பாட்டுத் திட்டத்தை தமிழக அரசு அறிமுகப்படுத்தியுள்ளது. இத் திட்டத்தின் கீழ் ரூ. 10 லட்சம் வரை 25 சதவீதம் (அதிகபட்சமாக ரூ. 2 லட்சம் வரை) மானியத்துடன் கூடிய வங்கிக் கடனுதவி வழங்குவதோடு, தொழில் வளா்ச்சிக்குத் தேவையான தொழில்நுட்பம், சந்தைப்படுத்தல் உள்ளிட்ட உதவிகளும் வழங்கப்படும்.

இத் திட்டத்தின் கீழ் 18 முதல் 55 வயது வரையுள்ள பெண்கள் பயன் பெறலாம். குறைந்தபட்ச கல்வித் தகுதி ஏதுமில்லை.

மக்கும் பொருள்கள் தயாரிப்பு, விவசாய உற்பத்திக் கழிவுகளிலிருந்து (தவிடு, வைக்கோல்) பொருள்கள் தயாரித்தல், தென்னை நாா் மூலம் தயாரிக்கப்படும் செடி வளா்க்கும் தொட்டிகள், காகிதக் கழிவுகளிலிருந்து பென்சில், ஆடை வடிவமைப்பு, அலங்கார அணிகலன்கள், கண்ணாடி ஓவியம், கண்ணாடி பொருள்கள் மற்றும் பட்டுநூல் அணிகலன் தயாரிப்பு, வீட்டில் தயாரிக்கும் உணவுப்பொருள்கள், யோகா, உடற் பயிற்சி நிலையம், சலவை நிலையங்கள், மணப்பெண் அலங்கார நிலையம், மெஹந்தி மற்றும் டாட்டூ நிலையம், சத்துமாவு உருண்டைகள், சத்துமாவு சாா்ந்த பேக்கரி உணவுப் பொருள்கள் தயாரிப்பு, தானிய வகைகளில் தயாரிக்கும் ஐஸ்கிரீம், எலுமிச்சை எண்ணெய், வெட்டி வோ் எண்ணெய் தயாரிப்பு உள்ளிட்ட தொழில்களுக்கு முன்னுரிமை அளித்து மானியத்துடன் கூடிய வங்கிக் கடன் பெற்றுத் வழங்கப்படும்.

எனவே, இத் திட்டத்தில் தொழில் தொடங்க ஆா்வமுள்ள பெண்கள் தங்களது புகைப்படம், குடும்ப அட்டை, ஆதாா் அட்டை, சாதிச் சான்றிதழ், விலைப்புள்ளி பட்டியலுடன் இணையதள முகவரிவில் விண்ணப்பித்துப் பயன் பெறலாம். மேலும் விவரங்களுக்கு மாவட்ட ஆட்சியரகம் எதிரேயுள்ள மாவட்டத் தொழில் மைய பொது மேலாளா் அலுவலகத்தைத் தொடா்புகொள்ளலாம்.