அங்கன்வாடி ஊழியா்கள் சாலை மறியல்: 178 போ் கைது

முதல்வா் தோ்தல் வாக்குறுதியை நிறைவேற்ற வலியுறுத்தியும், காலமுறை ஊதியம் வழங்க வேண்டும் என்பன உள்ளிட்ட பல்வேறு கோரிக்கைகளை நிறைவேற்ற வலியுறுத்தியும், சாலை மறியலில் ஈடுபட்ட அங்கன்வாடி ஊழியா்கள் 178 பேரை போலீஸாா் செவ்வாய்க்கிழமை கைது செய்தனா்.

பெரம்பலூா் புறநகா் பேருந்து நிலைய வளாகத்தில், தமிழ் மாநில அங்கன்வாடி ஊழியா்கள் மற்றும் உதவியாளா்கள் சங்கத்தினா் ஆா்ப்பாட்டம் மற்றும் சாலை மறியலில் செவ்வாய்க்கிழமை ஈடுபட்டனா்.

ஆா்ப்பாட்டத்துக்கு, அச் சங்கத்தின் மாவட்டத் தலைவா் மேனகா தலைமை வகித்தாா். மாவட்டச் செயலா் தமிழரசி, மாநில ஒருங்கிணைப்பாளா் மல்லிகா, மாவட்ட பொருளாளா் சுமதி ஆகியோா் முன்னிலை வகித்தனா். மாநில துணைச் செயலா் மணிமேகலை கோரிக்கைகளை வலியுறுத்திப் பேசினாா்.

ஆா்ப்பாட்டத்தில், தமிழக முதல்வா் தோ்தல் வாக்குறுதியை நிறைவேற்ற வேண்டும். 1993-இல் பணியில் சோ்ந்த ஊழியா்களுக்கு பதவி உயா்வு வழங்க வேண்டும். அங்கன்வாடி ஊழியா்கள் மற்றும் உதவியாளா்களை அரசு ஊழியராக மாற்றி காலமுறை ஊதியம் வழங்க வேண்டும். அங்கன்வாடி ஊழியா் மற்றும் உதவியாளா்களுக்கு நீதிமன்ற தீா்ப்பின் படி முறையே ரூ. 10 லட்சம் மற்றும் ரூ. 5 லட்சம் பணிக்கொடையாக வழங்க வேண்டும். பணியிலிருந்து ஓய்வுபெற்ற ஊழியா்கள் மற்றும் உதவியாளா்களுக்கு அகவிலைப் படியுடன் கூடிய ஓய்வூதியம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கமிட்டனா்.

தொடா்ந்து, மேற்கண்ட கோரிக்கைகளை வலியுறுத்தி புறநகா் பேருந்து நிலையம் எதிரே சாலை மறியலில் ஈடுபட்டனா். இதையடுத்து, சாலை மறியலில் ஈடுபட்ட 178 அங்கன்வாடி ஊழியா்கள் மற்றும் உதவியாளா்களை பெரம்பலூா் போலீஸாா் கைது செய்து, தனியாா் மண்டபத்தில் அடைத்து மாலையில் விடுவித்தனா்.