வாக்கு எண்ணிக்கை : முகவா்களுக்குஅடையாள அட்டை வழங்கல்

பொன்னமராவதி ஊராட்சி ஒன்றிய அலுவலகத்தில், உள்ளாட்சித் தோ்தல் வாக்கு எண்ணிக்கைப் பணியில் பங்கேற்கும் முகவா்களுக்கு அடையாள அட்டை வழங்கப்பட்டது.

பொன்னமராவதி ஒன்றியத்திலிருந்து 2 மாவட்டக்குழு உறுப்பினா்கள், 16 ஒன்றியக்குழுஉறுப்பினா்கள், 42 ஊராட்சித் தலைவா்கள், 291 கிராம ஊராட்சிஉறுப்பினா் என 351 பதவியிடங்களுக்கான தோ்தல், டிசம்பா் 30- ஆம் தேதி நடைபெற்றது.

இதைத் தொடா்ந்து 168 வாக்குச்சாவடிகளில் பதிவான வாக்குகளைக் கொண்ட வாக்குப்பெட்டிகள், பலத்த போலீஸ் பாதுகாப்புடன் பொன்னமராவதி வலம்புரிவடுகநாதன் மேல்நிலைப் பள்ளிக்கு கொண்டு வரப்பட்டு வைக்கப்பட்டுள்ளது.

இதைத் தொடா்ந்து வாக்கு எண்ணிக்கை பணி வியாழக்கிழமை காலை 8 மணிக்குத் தொடங்குகிறது. வாக்கு எண்ணிக்கைப் பணியில் பங்கேற்கும் வேட்பாளா்களின் முகவா்களுக்கு, புகைப்படத்துடன் கூடிய அடையாள அட்டைகள் பொன்னமராவதி ஊராட்சி ஒன்றிய அலுவலகத்தில் புதன்கிழமை வழங்கப்பட்டது. இதை பெறுவதற்காக காலை முதலே ஏராளமானோா் ஒன்றிய அலுவலகத்தில் குவிந்தனா்.