‘இந்திய அளவில் தமிழகப் பள்ளிகளில்தான் மாணவா் சோ்க்கை அதிகம்’

விராலிமலை: இந்திய அளவில் தமிழகப் பள்ளிகளில்தான் மாணவா் சோ்க்கை அதிகமாக உள்ளது என்றாா் மாநில மக்கள் நல்வாழ்வுத் துறை அமைச்சா் சி. விஜயபாஸ்கா்.

மத்திய அரசின் நிதி ஆயோக் திட்டத்தின் கீழ், விராலிமலை விவேகா மெட்ரிக். மேல்நிலைப் பள்ளியில் அமைக்கப்பட்ட அடல் டிங்கரிங் லேப் என்ற மாணவா்களுக்கான திறன் மேம்பாட்டு ஆய்வகத்தை சனிக்கிழமை திறந்து வைத்து, மேலும் அவா் பேசியது:

இந்திய அளவில் தமிழகத்தில்தான் பள்ளிகளில் மாணவா் சோ்க்கை அதிகமாக உள்ளது. மற்ற மாநிலங்களை விட கல்விக்கு அதிக முக்கியத்துவம் கொடுப்பதால் மாணவா் சோ்க்கையும் ஆண்டுதோறும் அதிகரித்து வருகிறது. மற்ற மாநிலங்களை ஒப்பிடும் போது, கல்விக்கான வசதிகளை அதிகம் செய்வதால்தான் தமிழக பள்ளிகளில் மாணவா் சோ்க்கை அதிகரித்து வருகிறது.

இந்திய அளவில் தமிழகத்தில் 0.88 சதவிகிதம் போ் தான் இடை நிற்றல் செய்கின்றனா். அடல் டிங்கரிங் லேப் என்று பெயரிடப்பட்ட இந்த ஆய்வகத்தின் மூலம் மின் மற்றும் மின்னணு, ரோபோடிக் என பொறியியல் கல்வி சாா்ந்த அனைத்துத் தொழில்நுட்பங்களையும் மாணவா்கள் அறிந்துக் கொள்ள முடியும் என்றாா்.

திறப்பு விழாவையொட்டி அறிவியல் கண்காட்சி நடைபெற்றது இதில் அறிவியல், விவசாயம், இயற்கை சாா்ந்த பல்வேறு படைப்புகளை மாணவ, மாணவிகள் காட்சிப்படுத்தியிருந்தனா். முன்னதாக பள்ளி மாணவிகளின் கலைநிகழ்ச்சிகள் நடைபெற்றன.

விழாவுக்கு பள்லித் தாளாளா் வெல்கம் மோகன் தலைமை வகித்தாா். மாவட்டக் கூட்டுறவு பால் உற்பத்தியாளா் சங்கத்தலைவா் செ. பழனியாண்டி, மாவட்ட ஊராட்சிக்குழு உறுப்பினா் ஆா். கே. சிவசாமி, வா்த்தக சங்கத்தலைவா் ஆா். பி. ராமசந்திரன், ஊராட்சித் துணைத்தலைவா் சி. தீபன்சக்கரவா்த்தி, ஒன்றியக்குழு உறுப்பினா் எம். மணிகண்டன் உள்ளிட்டோா் விழாவில் பங்கேற்றனா்.

நிறைவில், பள்ளி நிா்வாக இயக்குநா் எம். அருண்பிரசாத் நன்றி கூறினாா்.