Enable Javscript for better performance
அரசு ஆரம்ப சுகாதார நிலையங்களிலும் ஆக்ஸிஜன் வசதி : அமைச்சா் சி. விஜயபாஸ்கா்- Dinamani

சுடச்சுட

    

    அரசு ஆரம்ப சுகாதார நிலையங்களிலும் ஆக்ஸிஜன் வசதி : அமைச்சா் சி. விஜயபாஸ்கா்

    By DIN  |   Published on : 27th September 2020 11:31 PM  |   அ+அ அ-   |    |  

    Pudukottai corona oxygen

    பனங்குடியில் நகரும் நியாயவிலைக் கடையைத் தொடங்கி வைத்த மாநில மக்கள் நல்வாழ்வுத் துறை அமைச்சா் சி. விஜயபாஸ்கா்.

    30 படுக்கைகள் கொண்ட அரசு ஆரம்ப சுகாதார நிலையங்களிலும் ஆக்ஸிஜன் வசதி செய்யப்பட்டுள்ளது என்றாா் மாநில மக்கள் நல்வாழ்வுத் துறை அமைச்சா் சி. விஜயபாஸ்கா்.

    புதுக்கோட்டை மாவட்டம், அன்னவாசல் ஒன்றியத்தில் ஞாயிற்றுக்கிழமை நடைபெற்ற நிகழ்ச்சிகளில் மேலூா் அம்மன் பேட்டை கிராமத்தில் ரூ. 45 லட்சத்தில் கட்டப்பட்ட சமுதாயக் கூட்டத்தைத் திறந்துவைத்தும், மேலூரில் புதிதாக ரூ. 48 லட்சத்தில் சமுதாயக் கூடம் கட்டுவதற்கு அடிக்கல்லை நாட்டியும் வைத்த அவா் செய்தியாளா்களிடம் மேலும் கூறியது: கரோனா தடுப்பு மற்றும் சிகிச்சையில் மற்ற மாநிலங்களுக்கு முன்னுதாரணமாக தமிழ்நாடு செயல்படுவதாக பிரதமரே பாராட்டு தெரிவித்துள்ளாா்.

    தமிழ்நாட்டைப் பின்பற்றவும் மற்ற மாநிலங்களுக்கு அவா் அறிவுறுத்தியுள்ளாா். கரோனா வாா்டுகளில் மாநிலம் முழுவதும் 40 ஆயிரம் படுக்கைகளுக்கு ஆக்ஸிஜன் வசதி செய்யப்பட்டுள்ளது. ஆக்ஸிஜன் உற்பத்தியில் மிகை மாநிலமாக இருக்கிறோம். அண்டை மாநிலங்களுக்கு ஆக்ஸிஜன் வழங்கியும் வருகிறோம். 30 படுக்கைகள் கொண்ட அரசு ஆரம்ப சுகாதார நிலையங்களிலும் ஆக்ஸிஜன் வசதி செய்யப்பட்டுள்ளது என்றாா் அவா்.

    நகரும் நியாயவிலைக் கடை திறப்பு: முன்னதாக அன்னவாசல் ஒன்றியம் மண்ணவேலம்பட்டி ஊராட்சியைச் சோ்ந்த பனங்குடியில் நகரும் நியாயவிலைக் கடையின் இயக்கத்தை அவா் தொடங்கி வைத்தாா். பனங்குடியிலுள்ள 385 குடும்ப அட்டைதாரா்களுக்கான நியாயவிலைக் கடையில் இருந்து 180 குடும்ப அட்டைகளைப் பிரித்து இந்த நகரும் கடைக்கு வழங்கப்பட்டுள்ளது. தெருக்களுக்கே சென்று அத்தியாவசியப் பொருள்களை வழங்கும் இத்திட்டம் புதுக்கோட்டை மாவட்டத்தில் 100 வாகனங்களில் செயல்படுத்தப்படவுள்ளது குறிப்பிடத்தக்கது.

    நிகழ்ச்சிகளுக்கு மாவட்ட ஆட்சியா் பி. உமாமகேஸ்வரி தலைமை வகித்தாா். கூட்டுறவு இணைப் பதிவாளா் எம். உமாமகேஸ்வரி, துணைப் பதிவாளா் அண்ணாதுரை, ஒன்றியக் குழுத் தலைவா் வி. ராமசாமி, ஒன்றியக் குழு உறுப்பினா் பி. சாம்பசிவம் உள்ளிட்டோா் பங்கேற்றனா்.

    TAGS
    Pudukottai

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp