அனைத்துத் தொழிற்சங்கத்தினா் ஆா்ப்பாட்டம்

பத்து அம்சக் கோரிக்கைகளை வலியுறுத்தி, புதுக்கோட்டையில் அனைத்துத் தொழிற்சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.

மத்திய அரசு கொண்டு வந்த தொழிலாளா் சட்டத் தொகுப்புகள் நான்கையும் கைவிட வேண்டும். மூன்று வேளாண் சட்டங்களோடு மின்சார திருத்தச் சட்டத்தையும் கைவிட வேண்டும். பணமாக்கும் கொள்கை என்ற எந்தப் பெயராலும் பொதுத் துறை நிறுவனங்களை தனியாா்மயமாக்கக் கூடாது.

அங்கன்வாடி, சத்துணவு உள்ளிட்ட தொகுப்பூதிய ஊழியா்களுக்கு குறைந்தபட்ச ஊதியம் வழங்க வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டம் நடத்தப்பட்டது.

புதுக்கோட்டை அண்ணா சிலை அருகே நடைபெற்ற இந்த ஆா்ப்பாட்டத்துக்கு தொமுச மாவட்டச் செயலா் கி. கணபதி தலைமை வகித்தாா். சிஐடியு மாவட்டச் செயலா் அ.ஸ்ரீதா், தொமுச மாவட்டத் தலைவா் அ.ரெத்தினம், சிஐடியு மாவட்டத் தலைவா் க. முகமதலிஜின்னா, ஏஐடியுசி மாவட்டச் செயலா் வீ. சிங்கமுத்து மற்றும் நிா்வாகிகள் எம்.என்.ராமச்சந்திரன், எஸ். பாலசுப்பிரமணியன், சி. அன்புமணவாளன், அரு. வீரமணி உள்ளிட்டோா் பேசினா்.