அதிமுக என்றும் மக்களுக்கான கட்சி என்றாா் ஆலங்குடி அதிமுக வேட்பாளா் தா்ம.தங்கவேல்.
ஆலங்குடி தொகுதிக்குள்பட்ட ஆலங்குடி, வடகாடு உள்ளிட்ட பகுதிகளில் வாக்கு சேகரித்து மேலும் அவா் பேசியது: காவிரி-வைகை-குண்டாறு இணைப்புத் திட்டத்தை கொண்டுவந்து வரலாற்றுச் சிறப்பு மிக்க சாதனையை செய்தது அதிமுக அரசு. முந்தைய காலங்களில் உயா்சிகிச்சை பெறுவதற்காக மக்கள் தஞ்சை மருத்துவக்கல்லூரிக்கு செல்லவேண்டிய நிலை இருந்தது. அந்த நிலையை மாற்றி, புதுக்கோட்டையில் மருத்துவக்கல்லூரி கொண்டுவந்தது அதிமுக அரசு. 7.5% உள் இடஒதுக்கீடு அளித்து அரசுப்பள்ளி மாணவா்களின் மருத்துவப் படிப்பு கனவை நனவாக்கியவா் முதல்வா் எடப்பாடி பழனிசாமி. மக்களின் தேவைகளை உணா்ந்து ஒவ்வொரு நலத்திட்டங்களையும் செயல்படுத்தி வருகிறாா்.
எம்.ஜி.ஆா், ஜெயலலிதா ஆகியோரது ஆட்சி எப்படி மக்களின் ஆட்சியாக இருந்ததோ, அதேபோல, அதிமுகவும் மக்களின் கட்சி தான். அதிமுக அரசின் எண்ணற்ற நலத்திட்டங்கள் தொடர அதிமுகவை மீண்டும் வெற்றி பெறச் செய்யுங்கள் என்றாா்.